1862 ويـش بـنـتٍ نحـيفـة شكـل قـشرى ذميـمه.محلول من قبل ابوهليل صح لسانه

::السلام عليكم ورحمة الله وبركاته::

إليكم هذا اللغز عسى أن ينال رضاكم.

ويـش بـنـتٍ نحيفة شكـل قـشرى ذميـمه = تـفـعـل المستحيل بكـل يـسر وسهوله

عـلمـت في عـملهـا عـالـمٍ مـستـقـيــمه = اسـتـقــامـة جـهـالـه مـاضٍ وقــفــوله

واقـفـيـنٍ بـدون شعـور وقـفـة بـهـيـمه = حـطـمـت مـنـصـبٍ جـبـار ببسط وسيله

والسلامه مـن الـقـشرى تـراها غنيمه = وخير من جرة الفرسان شوف الدليله


...وللجميع تحياتي...

صح السانك لاهنت
ونقول الخيزرانة

صح لسانك يالصتيمه بيض الله وجهك وسلمت على هاللغز الرايع

(( عصى سليمان )) >> المنسأة

سليمان عليه السلام قد دعا ربه فقال: اللهم عم على الجن موتي حتى تعلم الإنس أن الجن لا يعلمون الغيب -
قال تعالى : { فلما قضينا عليه الموت ما دلهم على موته إلا دابة الأرض تأكل منسأته
فلما خر تبينت الجن أن لو كانوا يعلمون الغيب ما لبثوا في العذاب المهين }

اخوي الصتيمه صح لسانك على اللغز وبيض الله وجهك
وش رايك في
(عصى موسى )

احترام وتقدير ابو ناجي

صح لسانك يابو عبدالله وبيض الله وجهك
لغز رايع الله يعطيك العافيه
ورمعتي (دابة الارض )مادلهم على موته الا دابة الارض تاكل منساته

ابوعبد الله أسعد الله مسأك بالخير والمسرات
صح لسانك على الغز الوافي ياراع الوفاء:

أظم صوتي مع ابوهليل في دابت الارض:

السلام عليكم ورحمة الله وبركاته: الأخ العزيز ابو هليل صح لسانك ملايين والحل كما تفضلت ( دابة الأرض)
وصح الله لسان الأخ ابو فهد شارك في نفس الرمعه وبيض الله وجيهكم:
وكذلك الأخ العزيز خليجي نت ماقصر وضح اللغز بالرمعه. ولم يوفق بالحل ولكن خيرها بغيرها وأشكركم جميعاً جزيل الشكر.

وكذلك الشكر موصول لكحيلة حرب على مرورها المشرف ومحاولتها الطيبه.
وللجميع تحياتي وتقديري...

	المشاركة الأصلية كتبت بواسطة الصتيمه

	السلام عليكم ورحمة الله وبركاته: الأخ العزيز ابو هليل صح لسانك ملايين والحل كما تفضلت ( دابة الأرض) وصح الله لسان الأخ ابو فهد شارك في نفس الرمعه وبيض الله وجيهكم: وكذلك الأخ العزيز خليجي نت ماقصر وضح اللغز بالرمعه. ولم يوفق بالحل ولكن خيرها بغيرها وأشكركم جميعاً جزيل الشكر. وكذلك الشكر موصول لكحيلة حرب على مرورها المشرف ومحاولتها الطيبه. وللجميع تحياتي وتقديري...

صح لسان ابوهليل عزالله أصابه اصابه بالغه يوم جات رميتي بالقده :)

وصح لسانك يالصتيمه مرّه ثانيه
للتذكير // تراك نسيت مارديت على رمعة ابوناجي ولو ان اللغز منتهي

الأخ العزيز خليجي نت أسعد الله صباحك بكل الخير والمسرات. والله يذكرك الشهاده يعلم الله أني ناسي ولا ابو ناجي يستاهل ولاهو الولد الذي يستهان فيه وحق أبوناجي محفوظ عندي وصح لسان أبو ناجي ملايين وابو ناجي شرف مروره ومحاولاته طيبه والله يسامحه ماذبحه أكثر الغازي إلا هو يشرفني وكله شرف والهرج ما ينفع هاذي كبيره ولا زم يكون فيه حق علي على شان أكون عبره لااللي غيري ما ينسون يعني أنت وابو ناجي وابوهلبل وابومشاري الله يحييكم على حق ابو ناجي وحقهم بمحله والتنسيق يكون عن طريق ابو مشاري يدل البيت والله يعيني على الحق وأنتم الله يعينكم على المشوار والله يحييكم وابوناجي إن شاء الله ماهو مخلي حقه رجال يعطي الرجال حقوقها ويأخذ حقه من الرجال وبسدده . وبنتطار الرد. واخيرً تقبلوا تحياتي...

صح بدنك يابوعبدالله على الغز الرايع وبيض الله وجهك
وصح بدنك ياخليجي لاهنت مشكور