غير مسجل الجليس مرافقه وضـع خطيـر

الجليس مرافقه وضـع خطيـر=منه شر و منه ياهل العرف خير
بالجليس اوحيت شعـار تقـول=واكتفي بحكام من قول الحريـر
كل حـيٍ لـه ونيـسٍ بالحيـاه=من على الدنيا يحصل له عشيـر
الرجل تلقاه مـن بيـن الرجـال=والحقير يصاحبـه مثلـه حقيـر
وعن مقام المرء ينبيك الجليـس=اعرف الاول وتـدري بالاخيـر
ماكذب من قال فكـر بالطيـور=مع بعضها تنفض الريش وتطير
والاواد م مثلها فـي كـل حـال=والوقايه قـد م لاشـئ يصيـر
من يجالس واحـدٍ مافيـه ديـن=لايواكب منهجه لو هـو كبيـر
كم كبيرٍ ماعـرف سـر الحيـاه=مرضي الشيطان من يومه صغير
اول المشوار في طيش الشبـاب=من جليس السو والوضع الخطير
الهواء والنفس وظعاف العقـول=في زمان اليوم يعمون البصيـر
من جليس السو تشتـال الثقيـل=يوم راع الخير مرتاح الضميـر
مـد شوفـك للبعيـد وللقريـب=ورفع النيشان عن ميل القصيـر
واحترس ويًّاك من سو الظنـون=سو بعظ الظن مفتـاح السعيـر
ويحبط الاعمال ويفـر القلـوب=ثم تعّرض للعبـوس القمطريـر
والختام أزكـا التحيـه وسـلام=لرسول اللي على هديـه نسيـر

صح السان الشاعر العملاق ابوطلال غازي الزغيبي

ويعطيك الف عافية اخوي حمد

تحياتي

صح السان الشاعر العملاق ابوطلال غازي الزغيبي

وبيض الله وجهك اخوي حمد

تحياتي وتقديري
عاشق بريده

/
.


السلام عليكم


صح لسان الشاعر / غازي الزغيبي


والف شكر لك اخي حمد النويمي
على هذا الجهد المبارك


تحياتي لك



:
.

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

الشاعر العملاق ابوطلال غازي الزغيبي

صح لسانك

وبيض الله وجهك يالغالي

والف شكر لك اخي حمد النويمي على النقل

اخوك
سلطان

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

0
/

صح لسان الشاعر العملاق


و مشكور يالنويمي

/
0