قصيدة الشاعر عبدالله بن سعود البيضاني في الشيخ فيحان الذويبي

قصيدة الشاعر عبدالله بن سعود البيضاني في الشيخ فيحان بن ناهس بن فيحان الذويبي
امير بني عمرو ورئيس مركز عطاء

سلام ياراع الوفا والمواجيب = يا ابن الرجال اللي عزيز نباها
ياسيفنا القطاع يا مارد الطيب = ياعدنا لا شربت الأرض ماها
يا بن الحصان وياحصان الأطاليب = ربعك من الفرحة تسابق خطاها
فرحوا بك الشبان واللي بهم شيب = وفرحاتهم يا امير هذا صداها
كلٍ يقول اقلط وحنا المعازيب = ونفوسنا يا امير هذا مناها
مدحك وتشريفك لنا حق ومصيب = وقبيلة ما تفتخر بـ اومراها
تطلع عليها الشمس يا امير وتغيب = مثل الجنازة بالكفن من رجاها
وإلا انت لك حشمة وقيمة وتوجيب = وسبع القبايل كلها ما خفاها
نجم لعله تبطي الأيام ما ايغيب = نجمٍ لم بين النجوم بـ سماها
ذخر الرجال معربين المناسيب = اللي فعايلهم على الله جزاها
كسابة للنعم شرقً وتغريب = يوم السنين اللي كثيرٍ قساها
الكل منهم له فعولٍ تعاجيب = ومن مات روّاي السوالف رواها
ما ينمحي مجدٍ بعال المراقيب = مجدٍ تفاخر فيه حرب وتباها
عاد انت يا فيحان مالك مجانيب = المجد منزالك ونفسك هواها
يسوقها سوق النضا بالمشاعيب = للعز ودروب الوفاء من وفاها
وأبعد من نجوم السماء عنك العيب = الشاهد الله والخلايق علاها
حقيقةٍ ماهي بشكٍ ولا ريب = فأمير عمرو الله رفع مستواها
امير وابن امير من طيب نطيب = طيبه لنا وهقواتنا من وراها
فيحان بن ناهس نزيه الأساليب = إليا كبرت القالات عزمه قواها
ولعل عمرك طول النبي شعيب = وعسى سنينك طول عمره عساها
ويالله ياللي تعلم السر والغيب = تقبل دعاةٍ كل مسلم دعاها
والعذر يافيحان وش عاد أبا أجيب؟ = من سيرةٍ ما ينلحق منتهاها
هذا وأنا مالي بقولي مطاليب = إلا رضى نفوسٍ يشرف رضاها
يا ابن الحصان ويا حصان الأطاليب = ويا ابن الرجال اللي عزيزٍ نباها

تقبلو تحياتي

الشاعر عبدالله البيضاني صح لسانك وبيض الله وجهك


ويستاهل الشيخ فيحان الذويبي

وتقبل تحياتي

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك

صح لسان/ عبد الله البيضاني

و النعم بالشيخ/ فيحان بن ناهس بن فيحان بن ناهس بن فاجر الذويبي

شيخ شمل بني عمرو و نتمنى له التوفيق

و مشكور على النقل يا ابو فهد

صح لسان الشاعر البيضاني
ونعم بالشيخ فيحان الذويبي ومشكور اخوي ابو فهد على النقل

بيض الله وجهك يابو فهد كعادتك بالنقل الجزل
وصح لسان الشاعر عبدالله بن سعود
والله ونعم باخو نوره لين ياقف النعم وقوف على حيله
مصاويط نجد ليا اشتد الزحام
زيزوم كعام العايل بني عمرو
ويستاهل الشيخ فيحان بن ناهس بن فيحان بن ناهس الذويبي
شيخ شمل بني عمرو
جده فيحان ملك الباديه
راعي اللويصق كم راس فارس عن تراقيه شاله
قال علي الزقيعا من الشعب من بني عمرو

اللـي يبـي وادي الرمـه==تايـه ولا عنـده دلـيـل
ارضـه عليـه محرمـه==بربعي كعام اللـي يعيـل
يقول الشاعر

حدينا القبايل باللويصق وبالفسقان==عن الوادي اللي تمنى الخور مدهاله
---------------------------------------------------------------
ضيف الله الذويبي سبق وان تحدى اكبر شيخ بعتيبه مسلط بن ربيعان
في عاليه نجد لسعيد بن جنيدل الجزء الثانى صفحه 596
وهو يتكلم عن منطقه اسمها الرحرحان
حيث قول نصــــــــــــــــــــــــــــــــــا
رحرحان جبل اسود يقع غرب شمال الربذه معروف بهذا الاسم قديما ومازال معروفا به وهو الذى عناه الشاعر الشعبى ضيف الله الذويبى احد شيوخ قبيله حرب فى شعرهوذلك انه كان قاطنا على ماء ابو مغير الواقع فى شرقى الربذة
فأراد مسلط بن ربيعان احد شيوخ قبيله عتيبه ان يرد على ابو مغير فبعث اليه يطلب منه الارتحال من الماء ليرده هو وقومه .
فرد عليه ضيف الله الذويبى ببيتين هما ...

على اشب النـار حيـه ******* اليا دنهرت نـار الهـدان
قولوا لى : الهضبه رحيه ******* تشـد يـم الرحرحـان

رحيه هضبه حمراء واقعه غرب الربذه , ومضمون البيتين : اننا لن نرتحل من ابو مغير الا ان ترتحل هضبه رحيه الى الرحرحان
انتهى كلام بن جنيدل نصاااااااا
-------------------------------------------------------------------
قال سعد ابن جنيدل في كتابه وهو يتكلم عن منطقه يقال لها مجرور
مجرور: واد يقع فى مصادير الخضاره شمال الدفينه وفى اسفله مشاش ..........وفيه عبل ابيض يسمى مجرور ...وهو فى بلاد قبيله الروقه من عتيبه التابعه لاماره مكه المكرمه وله شهره فى اشعارهم
كقول سعد الحافى الروقي
قى فى قصيده له:

وجدى عليهم وجد راعى شوايل==خذها الذويبى من عبل مجرور
-----------------------------------------------------------
هذي إحدى قصص الذوبة والتي تبين هيبتهم وقوتهم
* الأمير\ ضيف الله بن عقاب الذويبي توعد وهدد فراج التويجر العتيبي بعد
ما قال الاحديه التي يسب فيها العمور ،
فقال فراج التويجر يعتذر من الأمير ضيف الله بن عقاب الذويبي :
سلام يا ابن عقاب يا سقم الحريب *** يا اللي بكونك يبته رفض الجناح
الذيب يرفق وانت سلمك سلم ذيب *** لعل عمرك ما يحل بـه النجـاح
يا شيخ يا متعب جثيلات السبيب *** ابيك تدمح ما مضي منـي وراح
المصدر كتاب الحداوي للمؤلف محمد السديري
-----------------------------------------------------------------
تقول وضحى الجدعيه عن محمد ابالروس الذويبي
ابديـت ياعـواد مــا بالـفـؤادِ==واهل العقول العارفه لي يعذلـون
مهبلـك ياللـي للذويبـي تعـادي==شيخً له الحضران والبـدو يتلـون
ذيـب القبالـي للذيابـه يـنـادي==مشرعاتٍ في جراير بنـي عـون
عينت ابن جمـلا وربـعٍ نـوادي==ياعنك ماقِّبـل ولا هـو بمدفـون
سـواة مـن بـاق بعملـه عمـادِ==الله حكيـم وناقـضٍ مايعمـلـون
لكن جدع الروس حذف الهـوادي==محمد لهم درعٍ على الخيل مضمون
يرمي العشا للذيب هو والحنادي ==خلاّ سباع الحمر فيهم يفلّون
وتقول وضحى ايضا
سلام يا دار بها الحبر منثــــــــــور ....... يا دار من طريا المغازي هبابـه
ابو مغير اللي من الوسم ممطــور ....... عشبه زما..يا طول عالي رقابـه
مير اقهروا عنه المظاهير والخور ....... عدٍ لاخو نوره و كلٍ يهــــــــــابه
يا سرع ما ياتي على شقة النــور .........الزمل يحدى والعصى في حقابه
والى ركب صفرا تحيزم بشعرور .........والى نوى ذود المعادي غدابـــه
--------------------------------------------------------
حصل أن نزل قبيلتي عتيبة والرشايدة عند عمودان الجبل المشهور
فسمع الأمير الفارس ناهس بن فاجر الذويبي رحمه الله بنزولهم في
ديار حرب فأقبل ومعه جمع من قبيلة حرب فلما سمعوا قبيلتى عتيبة
والرشايدة
بمجيئ الذويبي قرروا الشديد وشالوا من محلاتهم وهجوا العتبان إلى الجنوب
ومن وراء جبل النير وأما قبيلة الرشايدة فزبنوا جبل أبان وعندما أتى الذويبي
وحاصر الرشايدة
في الجبل أرسلوا الشاعر شمهليل المضيبري وقال هذه القصيدة

لاوالله إلا أخلوا طوارف عمودان ==من خوف الذويبي جلوا مايبونه
هج العتيبي من ورا النير عجلان==من خوف حرب باللقا يدهلونه
والقصة هذي ذكرها العبودي في معجم بلاد القصيم الطبعة الأولى عند ذكر
جبل عمودان .. صفحة 1622

شكرا لكم على المرور أخوي المعتصم كفيت وفيت يالغالي

بيض الله وجهك يابو فهد كعادتك بالنقل الجزل

صح لسان الشاعر البيضاني
ونعم بالشيخ فيحان الذويبي ومشكور اخوي ابو فهد على النقل

بيض الله وجه ابن العم المعتصم على الأضافة الرائعة

والموثقة

بيض الله وجهك وصح لسان قايلها
والشيخ فيحان الذويبي يستاهل كل علم غانم ونعم فيه ولايكفيه في حقه
ابو فهد
شكرا لك على هذا الطرح الرائع
المعتصم شكرا لك على هذه الاضافه
دمتم بخير وعافيه

اخواني اعضاء منتدى حرب الكرام شكرا لكم على المرور العطر