مكارم الاخلاق ياطيب الساس

الاخوه الاعضاء هذه قصيده من القديم ارجو ان ترتقي لذائقتكم

مكارم الاخلاق ياطيب الساس = الله لجل تتميمها ارسل رسوله
الدين ماهو بس ديكور ولباس= الدين حسن معامله حسب اصوله
والعلم ماهو للرجاجيل مقياس = الرجل باخلاقه وقيمة فعوله
البدو وقت الجهل وعصور الادماس = رغم الجهل فيهم مكارم رجوله
فيهم كرم تضربه امثال للناس = كم حاتمي للضيف ناحر ذلوله
وفيهم شهامه مع معزه مع احساس = وايمانهم بالشح ماهي مغلوله
وفيهم غنى بنفوسهم رغم الافلاس = ولستنجد الملهوف سرع فزعوله
وفيهم شجاعه تظفر بكل نوماس = وتظهر ليا حمي الوطيس البطوله
وفيهم تواضع مايتغطرس تغطراس = الا ضعيف ولا يشرف حموله
وفيهم وفا للعهد بمصافح اخماس = لعطوه مايبوقون باللي عطوله
وفيهم على حمل الزمن شده وباس = بالولوله والنوح مانوخوله
والصدق فيهم لو على مقطع الراس =رجالهم يحمي عن الكذب قوله
نبذه وترجمها القلم فوق قرطاس = بابيات شعر وكل شاعر وحوله

صح لسانك اخي الكريم على هذه الابيات

تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة أبوفيصل

	صح لسانك اخي الكريم على هذه الابيات تحياتي

صح بدنك ولاعليك زود يابن الكرام
تحياتي وتقديري لشخصك الكريم

صح لسانك يارامي

	المشاركة الأصلية كتبت بواسطة صلاح الحيسوني

	صح لسانك يارامي

الشاعر القدير صلاح الحيسوني
صح بدنك وتحياتي لك

مكارم الاخلاق ياطيب الساس = الله لجل تتميمها ارسل رسوله
الدين ماهو بس ديكور ولباس= الدين حسن معامله حسب اصوله

صلى الله عليه وسلم
وقصيدة رائعه صح لسانك
لاهنت ولاهان مقامك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك يالحب الباقي

	المشاركة الأصلية كتبت بواسطة الكحيلة

	مكارم الاخلاق ياطيب الساس = الله لجل تتميمها ارسل رسوله الدين ماهو بس ديكور ولباس= الدين حسن معامله حسب اصوله صلى الله عليه وسلم وقصيدة رائعه صح لسانك لاهنت ولاهان مقامك

صح بدنك ولاتهونين