( لايحير فكرك بالغنا والفقارا= كلاً عطاه الله مايستحقّه)

/
/
/
/
/
/
/
/
/
/
/
/
/
/

الرّزق عنّده بالعداله يدارا=سبحان من بيّن على العبد حقّه
الكون مجري فيه ليل ونهارا=وآيه يقدّر حجمها من تفقّه
اخلص له الطّاعات سرّ وجهارا=واللي لزمك بطاعته لاتعقّه
ولايحير فكرك بالغنا والفقارا= كلاً عطاه الله مايستحقّه
هذاك يسكن بيت شطب الجدارا=وهذاك يسكن قصر يزداد لقّه
والبعض رزقه جاه يسر ٍ يسارا=والبعض مايلقاه غير بمشقّه
واقنع وحبّ المال مافيه عارا=واطمع ولا تصبح بطمعتك نقّه
وان جات لك شطّه بدينك تبارا=اصبر وثوب الدّين حذرك تشقّه
واللي يبي جاهه يكيد العيارا=يجعل بقلبه للضّعيفين رقّه
ونار الحميّه فالرّجال الغيارا=وموقف بوجه الظّلم حقّ ٍ تحقّه
ولا خاب في دنياه شخص استشارا=اللي زمانه بالتّجارب يدقّه

الشاعر / خالد بن عبيد بن معتوق ألأحمدي