(ياراكب الي سا يقه يقطع الخوف =وان مر دار الخوف حول دليله)

اقدم لكم هذه القصيده
واتمنى ان تنال على اعجابكم
تقبلووووووتحياتي

يـــا راكب اللي سايقة يقطع الخـــوف =وان مر دار الخوف حول دليله
من تحت نجم الجدي شرقي من الجوف =حــــزمٍ يعديبة وحــــزمٍ يميله
قــــدام لوحاته تجي رمز وحـــروف =وكلاب تكشف كل شي يشيله
سراه يـــــوم الجيب مافيه مصروف =وصبحه ملا جيبة وغلق عميله
مـــصبحٍ دار ٍلــه الــقلب مالـهــوف =معـــقبٍ خيــبر وفــــات السليله
عند الجبال اللي بها الخزن مرصوف =في واديٍ من جــــاه سيله يشيله
شمال مـــن ينبع عــلوه جبل عــوف =سقاه مــــن نــو الــــثريا مخيله
عسى السحاب اللي به البرق رفروف =يـــمطر الين يضيق سيله مسيله
عـــلى طلوع الفجر وإبليس مكتوف =سمعي مصادر صوت ناسع جديله
وازهم شوي شوي يا (نوف) يا (نوف) =من غاص في بحر الهوى عزتيله
يصبح وراء الأكتاف بيديه مكتوف =وحــــرارة ٍ بالــكبد مثل المليله
يشوف بعض أحيان وأحيان ما يشوف =يبي الجميلة لـــكن ما من جميله
حــــول على عدٍ بالاخطار محفوف =بين الهضاب الـــرافعات الثقيله
مابه حبال ولا عــلى جــاله رفوف =ما غــير اتــل الــــدلو ثم اتكيله
مسرى عمى ملقوف في حلق ملقوف =وكــــل يقول المشكلة من قبيله
مجنن الـــعالــم مساكين وضعوف =وان جيت تاصفهم كسبت الفشيله
في واديٍ عن ضو الأنظار ملفوف =وكـــل عــلى الثاني مولع فتيله
قـــلنا كذا ما ودنا السر مــــكشوف =واللي يعرف البرق يعرف يخيله
يوم الردي لو ضاف ما هو مضيوف =مهــجور بيته مــن رجال القبيله