( ندا كيد العدا ) قصيده موجهه إلى الشاعر القدير / نداء الغيداني

/
/
/
/
/
/
/
/
/
/
/
/
/
/
/
/
/
/
/

قالوا ندا راعي وفا قلت معلوم=معروف مايحتاج منكم شهاده
صيته وصلني لو ماعرفه ولا يوم=وذي ميزة اللي ماخذ الطيب عاده
هذا ندا كيد العدا حيّد القوم=بالطيب والاخلاق نال السياده
عنده لغه فيها شهادته دبلوم=وعنده علوم ارجال فيه الركاده
دبلوم ماخذها على نهج مرسوم=وعقبال دكتوراه ولاّ عماده
مايجرفه تيار بالعنف متهوم=حكيم راي موالي ٍ للقياده
يفزع لمن ينخاه لاصار مظلوم=يالين يوصل من نخاه لمراده
وانا عليه اشكي من الود مهموم=ولاضن مثله باخل ٍ بجتهاده
واقول صاحبكم هجر لذّة النوم=ولا عاد يلقى طعم شربه وزاده
مادمني من شوفة الزين محروم=اللي بلاني ياندا في وداده
رمز الحلا من ذرة الشين معدوم=مابنصفه لو قلت سكر زياده
ولو لاي رجل ٍ يتقي هرجة اللوم=واخاف تلحقني وراه النقاده
لابيح لك باسمه واخليه معلوم=واكتب حروفه فوق فنّدق رماده

الشاعر / خالد بن عبيد بن معتوق ألأحمدي