وجهتها اللي الشاعر الكبير جايز جزاء الحربي

ياجايز اللـي بالنهـار الكبيـري = عسل صديق وللمعاديـن سمـي
سمعت بالساحه كلامـاً مثيـري = موجهه الموضوع يمـك ويمـي
مدري نعديها عشان القصيـري = والانخلـي جرحهـا يستشمـي
مدام نملك كـل حـداً شطيـري = وليـا رمينـا رمينـا مايزمـي
ماهمنا بالوقت عمـر البشيـري = اللي يحاول لمس كمـك وكمـي
خبلٍ يقوده كل سلـكٍ حريـري = على الخطا ويخم الاعلا م خمي
مبطي يحاول شرها يستطيـري = أعمى بصيره والمساميع صمـي
لاصار حبه في رحا مستديـري = لاجا يلمـه كيـف يقـدر يلمـي
العام جر أرغاه بعـد الهديـري = واليوم في بعض السوالـف ينمـي
يدري بنا من خاف كثر الصفيري = وعظماً انوشه بالخشب مايضمي
الكلب ينبـح والقوافـل تسيـري = ولافار من نبح اشهب الذيل دمي
يابن جزاء يامسندي ياشويـري = بالهرج خبل الناس ماخص عمي
ومحاوره راشيه مدري خشيـري = ثوراً على الشاشه براسـه يومـي
امرين ماعنهن مفـر ومطيـري = اما عـذر والابشخصـه نسمـي
ماعندنا هـذا كبيـر وصغيـري = من هازنا دونه صفاء كل جمـي
لو كل من جانا بخيلـه مغيـري = روح سليـم ولارميلـه معمـي
فينا طمع راع البقر والحميري= ادنات ماخلاه فينا يهمي
ابديت ماكنيت وسـط الظميـري = والجرح لامنـك نبشتـه يدمـي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي مشكور على المرور الله يبيض وجهك

ابدااااع راااااااائع

لله درك وبيض الله وجهك وصح لسانك

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

صح لسانك ياشاعرنا الجزل سعد المحمدي
سلمت ودمت وبيض الله على هالدره الثمينه

صح لسانك كثر حروفها واكثر والله


ياليت تزودنا برد اذا هناك رد من الشاعر الكبير جايز الحويمضي

صح لسانك والله يعطيك العافيه على القصيده الجزله

ونرجوا تزويدنا برد ابوراكان

الاخوان
المسافر راح
لهيب
مضحي بن جمران
غازي الزغيبي
حمود الجابري
يشرفني مرور منهم افضل مني ويبقى تاج على راسي
بالنسبه للشاعر الكبير جايزجزاء فضل عدم الرد لبعض الاسباب ليس عدم مقدره لكن الظروف نوب تحكم الواحد
ابو ركان شاعر مايختلفون عليه اثنين وافضل مني بكثير ويوجد بيني وبينه مساجله اخرى باذن الله رايح انزل القصيده ورده عليها تقبلو تحياتي وتقديري الله يبيض وجيهكم

صح لسان والله ياسعد شاعر متمكن تملك الغزاره الشعريه والفكريه
الله يعطيك طولة العمر