بعد إنتهاء أم رقيبة ...( هنا ) سبب غياب الطهيمي .

السلام عليكم ورحمة الله وبركاته


أسعد الله مساءكم وصباحكم وجميع أوقاتكم ياابناء العم ، الموضوع من عنوانه وخير الكلام ماقل ودل .

كثر الحديث عن غياب ممثلنا الأبرز ( الشيخ : عليان بن راشد الطهيمي ) عن مزاين الابل على جائزة الملك عبدالعزيز لعام 1429 هـ على الرغم من أن استعدادات أبو فواز كانت تعرض على قناتي ( المرقاب والوقاحه ) وبشكل شبه يومي وماكان عندهـ نيه للغياب ..


تسألت كثيرااااااا كغيري من أبناء القبيلة ومحبي الابل الطيبة ولم نجد الإجابه الشافيه الوافيه ؟


أخيرا ً وبعد طووووول انتظار قابلت احد الاخوة الذي زار مكان المهرجان وأكد لي أن ابل الطهيمي كانت ستحضر لولا شروط المسابقة التي تلزم مالك الابل بنفسه أن يحضر معها وهذا مارد الشيخ عليان عن المشاركه لأنه كما سمعت أدى مناسك الحج هذا العام أسأل الله له القبول ولأخواننا المسلمين ..


لم أكتب الكلام وانا اشكك بمن ذكره لي ولكن للإستزادة بالمعلومات فمن يملك أي معلومة لايبخل علينا .

أخيرا : نبارك للفايزين وصراحه أن نخبة النخبة ( وضح ) فقدت ابل الطهيمي أول مرة أشوف بالتساوي ياخذونها ثنين حتى بالكورة ماصارت مير الوعد بالمقبلات إن شاءالله .

[size=4]والله كلنا افتقدنا ابل عليان الطهيمي لاكن ماندري وش الاسباب بس ممكن ماذكرت

يكون احدالاسباب اللي خلته مايشاركــــ والف مبروكـــ للجميع[/size]

اخوي : العطري

لا أعتقد أن مانقل لك هو السبب الذي منع الشيخ/ عليان الطهيمي من المشاركة

والله ممكن هذا من احد الاسباب ..

لكن واضح ان السبب زعل ( توقعاتي ) .

لكن زعل من وش ماادري مثلاً سمعت قول يقول انه يوم جاء كان حاطين

دوره في المركز السابع ( دور عرض الابل ) وهو طبعاً ماخذ الاول والمفروض يكون

العرض من الاوائل ... وقال دام بدايتها كذا حس ان الشغله فيها لعبه وفيه فزعات

وفيها حميه .. قال خلني اطلع من الحين لاتروح سمعته في الابل وتطيح قيمه الابل

اللي عنده .. ( من بعض ماقيل ولاني متاكد من الخبر )

وقول ثاني انه بينه وبين مشعل صارت شبه مشكله وترك المزاين .....

والله اعلم

يالربع الجايزه مدبره بين فنجال وهيف ومقسومه من قبل ولا هيف ذيدانه كلها تاخذ النخبه ترا بالوضح يحلم هو غيره ياخذه والطهيمي موجود والمجاهيم يحلم ياخذه والفصام موجود اصلا السنه ذي ماحد شارك الا ذيدان مستواها وسط ولا الحمر صراحه يستاهلها......... وترا الطهيمي جاء مشارك بس شاف فنجال يتحم باللجنه ويعترض على الاعضاء ويحطهم على كيفه وكذالك هيف فقد اعترض على العضو القبع المطيري واخرجوه من اللجنه فقال الطهيمي لي الامير مشعل انه سيحج لانه عرف ان الجايزه مدبره بين الاثنين فا رفع الامير عنه الشرط الجزائي الي هو عدم المشاركه فالمسابقات التاليه اذا انسحبت لي سبب غير مقنع......... والله ان الطهيمي عند حلال يزين الارض الي يمشي عليه قوي قوي لا يقف امامه اي ذود لا ذود هيف ولا فنجال...... تحيتي

شـــاكر للجميع مروره .. ماقلته نقل لي عن رجال إن شاءالله ثقات قد يقول هذا السبب انتشر لهدف معين والا هناك اسباب أخرى .. بالأخير يبقى الشيخ هو صاحب الكلمة الاخيرة والفصل وله حرية المشاركة او عدمها وام رقيبة السنة ذي خبيصة حتى توزيع الجوايز كان مربك ومرتبك يعني مدري كيف المشكلة إن ( الإعلام البعاريني ) ناقل الحدث .

	المشاركة الأصلية كتبت بواسطة عبدالله بن شري

	يالربع الجايزه مدبره بين فنجال وهيف ومقسومه من قبل ولا هيف ذيدانه كلها تاخذ النخبه ترا بالوضح يحلم هو غيره ياخذه والطهيمي موجود والمجاهيم يحلم ياخذه والفصام موجود اصلا السنه ذي ماحد شارك الا ذيدان مستواها وسط ولا الحمر صراحه يستاهلها......... وترا الطهيمي جاء مشارك بس شاف فنجال يتحم باللجنه ويعترض على الاعضاء ويحطهم على كيفه وكذالك هيف فقد اعترض على العضو القبع المطيري واخرجوه من اللجنه فقال الطهيمي لي الامير مشعل انه سيحج لانه عرف ان الجايزه مدبره بين الاثنين فا رفع الامير عنه الشرط الجزائي الي هو عدم المشاركه فالمسابقات التاليه اذا انسحبت لي سبب غير مقنع......... والله ان الطهيمي عند حلال يزين الارض الي يمشي عليه قوي قوي لا يقف امامه اي ذود لا ذود هيف ولا فنجال...... تحيتي

صدقت يا أبن شري
و الله مع الطهيمي إبل ماشفناها مع غيره .. و الله ماهو تعنصر عشانه حربي و لكن هاذي الحقيقة . و إذا كان الطهيمي منسحب فهو أبخص باللجنة و مايحاك له بالخفى .. فاللجنة فيها أناس لاتخاف الله و لايقدرون الأمانة التي أنيطت بعاتقهم فتم طرد بعضهم و إنذار لبعضهم و فنجال أخذ النخبة هالسنة رضاوة لأنه العام الماضي لن يشارك .
فمن حق الطهيمي رفض المشاركة إذا صار بالوضع واسطات وبخاشيشششش
إبل الطهيمي سمعتها مع العرب كلهم وزبائنه يجون من جميع الدول و لاعاد يهم الطهيمي جائزة عبد العزيز الله يرزقه و يوفقه0