فهد حمود ...والهاب الوسيدي... وردي الكيبوردي السريع؟؟؟

الــســلام عـلـيـكـم ورحــمــة الله وبـركـاتــه
هذي قصيده كتبتها بشاعر المحاوره الشاعر الكبير الهاب الوسيدي
الــذي خرج ظـلـمـاً كـمــا يـعـلـم الجـمـيـع
واقــــــــــــــول فــــيـــــهـــــا

يالجنة التحكيم في مسرح الغـش=وين العداله في بيـوت الجزالـه؟
يوم الوسيدي جاب قافٍ مهو هش=ليـه الظليمـه ياوجيـه الرذالـه
يوم الحريمه نشت قلوبكـم نـش=قلتوا على التصويت جيبوا هلالـه
الغايه التصويت والغايـه القـرش=وامـا العدالـه مالقينـا عدالـه
وصيتكم ذايع على عالـم الـدش=وين المخافه من عظيم الجلاله ؟
الهاب دونه ناس ماهمها قـرش=والهاب عم القاف والهاب خالـه
له لابةٍ وقت اللقـا والمقاشـش=عدوهـم والله مـاطـاب فـالـه
وانته خليفه للسحيمي على العرش=يالهاب ياراعي النقاء والرجالـه
ومسرح المليون هو منبع الغـش=قالوا عداله ميـر ماهنـا عدالـه

وسلامتكـم بقلـم فهـد بـن حمـود بـن سعـود البيضـانـي
ردي السريع في المحادثه التي جرت بيني وبينه عن طريق الايميل

سمعت قافن ناقشه صاحبي نقش=مع برد عمّان اترازم خياله
يوم الوسيدي مامدح صاحب الفرش=نال اللذي يابن الاجاويد ناله
ياذيب ياللي تخمش الطايله خمش=ويهز نفس اهل العانه مقاله
ياليت مبناهم تحت ضربة الونش=المسرح اللي خاسرن من لجاله
لاتنشد القبار لو ينبش النبش=العدل في ذاك المكان استحاله
يالهاب لاتنظر ورا خلهم وامش=وخل الضعيف يغم غمونه بشاله
من ذمكم قلنا لهم دونكم هش=ماطالكم وانته على كل طاله
يافهد يابو حمود في مسرح الخدش=زادت خبالة مشترين الخباله
من يخبر الحيين عنا بلا ربش=والحمره بالكذب عشا عياله

وسلامتكم