حضرّ هنا يا عزوتي يا بخيتان 000000000

31-05-11, 02:08 AM

سلام لكن قبل ردّ السلامي=حضرّ هنا يا عزوتي يا بخيتان
حضرّ هنا والنور يجلى الظلامي=والبيت ما يبنى على غير سيسان

31-05-11, 01:20 PM

الله الله يا ابوعلي صح لسانك وبنتظار الابدع .

31-05-11, 03:51 PM


	المشاركة الأصلية كتبت بواسطة حفيد الحجيري


	سلام لكن قبل ردّ السلامي=حضرّ هنا يا عزوتي يا بخيتان حضرّ هنا والنور يجلى الظلامي=والبيت ما يبنى على غير سيسان

صح لسانك يابو علي والسموحة على التاخير

يا مرحبا لبيه يابن الكرامي=حسب الوعد ناتي لداعي كحيلان
جيتك وانا سامي ولبيت سامي = ومجودين الساس مع طول الازمان

31-05-11, 04:02 PM

دام البقا يا مسندي يا حزامي=عدد مخاليقه من الإنس والجان
العلم أبي خوتك والدرب شامي=سدّ النفوذ وسدّ الاردن وعمّان

31-05-11, 04:10 PM

يامن على درب الوفا حر حامي = والطيب يلقى بك مع الناس مزبان
جيتك وانا خوتك غاية مرامي = دايم على الحروة لخوتك نشطان

31-05-11, 04:47 PM

ذي هقوتي في حرب والا سلامي=ما خابت الهقوات فالطير شيهان
أسمع هناك الوضع بلحيل حامي=رغم البراد اللي ينسنس في لبنان

31-05-11, 05:00 PM

صح لسانك يابو علي يالشاعر حفيد الشاعر

وصح لسان ابو محمد شاعرنا وطاروق رائع

أسمع هناك الوضع بلحيل حامي / الله يعينهم يابوعلي .

31-05-11, 05:12 PM

ماخيبّ الهقوة رفيع المقامي = ولاتعتلي هامة بها الظن خيبان
فالشام ياكم ارتوى حي ضامي = وأنا على ذاك الروا حيل شفقان

31-05-11, 05:13 PM

صحت السنتكم شعرائنا

على هذا الطاروق الذي اندمج به الأبداع والجزاله

فجمع لنا حفيد الحجيري وبخيتان البشري

والله يقويكم يابني عمي

واصلو وحنا متابعين

ودي وتقديري لكم

31-05-11, 05:14 PM

صحت السنتكم جميع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري