( سيّارتك كشخه وفازت بالاعجاب )

سيّارتك كشخه وفازت بالاعجاب
لجل إنّها تنبي على ذوق فنّان
مايشتريها غير واثق وينهاب
مايعرف التّقسيط ما شاف ديّان
والون فسفوري بلمعه وجذّاب
بودي مرايه من صدم فيه غلطان
ومقاعد امريحه بجوده ماتنعاب
اقماشها شمواه مخمل ومليان
وتشعْ بالأنوار مع فتحة الباب
والسّلف ماله صوت يعمل بكتمان
طبلونها واسع به ادراج دولاب
والما من الشْكمان من غير دخّان
وتندة بانوراما وشاشه للاعاب
غطّت على اللكسز وروعة* سبرمان
وزايد حلاها فيك منظرك خلّاب
لاسقتها تفخر يابو رمش فتّان
روعة على روعة بها سحر الالباب
عيني عليكم بارده بَسَ شفقان
ياليت انا وايّاك فالصّحبه احباب
اطلع مع مشوار ماعود ندمان

الشّاعر / خالد بن عبيد بن معتوق الأحمدي

ياسلام على الاناقة والفخامة
صح السانك مبدع متميز

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة