المجلس العااااااااامر

المجلس العامر تجيه المسايير=وصدره لدسمين الشوارب وقاري
والنار بوجار الدلال المباهير=يجذب سناها بالدجا كل ساري
شفني على ضيحة بكار/ن مغاتير=جيت أستحث إخطاي وأكتب قراري
لاجيت من قلّه ولا جيت تصخير=إلاّ بدافع رغبتي وإختياري
ولاّ المداهل بين ورد ومصادير=مداومات/ن بين ليل ونهاري
أحد/ن يورّدها على جمة البير=وأحد/ن على الحروه يخم المحاري
وأحد/ن على ماقيل مرّت ولا ضير=وأتلا خبرها يوم هاك الطواري
ما للسماوي بالنّياشين تاثير=وراحت بهومات الفتيل الصواري
الوابل البدري بسيله نواوير=والصّيف ماغيّر شهاب الصحاري
امّا انت ليلك يابعيد المشاوير=بدره طمس ضوح النجوم السواري