اهدا لشيخ درزي بن هابس بن شطينه المزيني الحربي

السلام عليكم ورحمة الله وبركاته

اهدا لشيخ درزي بن هابس بن شطينه




يــاراكــب الــــي تـــــو يـومــيــن مــالـــه
موردينه مــــــن بــــــلاد الـــولايــــات
جـــي ام يــوكــن والـجـمـيـح الـوكـالــه
على البـواخـر جـيـب عـبـر المحيـطـات
تلـمـع عـلـى خشـمـه حــروف الاصـالـه
صيته قـديــم ومـــن جـديــد الـمـديـلات
مـعــروف مـــن عــهــده بــقــو حـتـمـاله
اخر تصـامـيـم الـعـصـاه الـخـواجـات
جــمـــس تـمــنــا تـلــتــه مـــــن بـــدالـــه
لازم ودونـــــــه حــايــلـــه جــرهــديـــات
فــــي وقـفـتــه شــيــخ يـهــلــي قـبــالــه
ومنصى وملـجـى لـلامـور الصعيـبـات
يــــا دارة الـبـصـمـه ســيـــور الـمـحـالــه
وتنابلة روس الـبــلــوف الاشـــــارات
كـــن مـنـظـر الطـبـلـون حــيــن بـتـهـالـه
كونترات. مــراقــبــيـــن الـــمـــجـــرات
يــشــدي لـضـحــك صـغـيــر بشـتـغـالـه
واليا شتـغـل عــود يسـولـف بـطـولات
عـــود يــوصــي بــــا الـمـراجــل عـيـالــه
يذكر بـطــولات الـعـصـور الـقـديـمـات
عـن ربعـي الحصنـان طـيـب و بسـالـه
وعن الشجاعه والسخى با الشطينات
ومـــن داخــلــه شـكـالــة فــــي شـكـالــه
تقول مـجـلـس مخـتـصـر للفـخـامـات
مـلـفـاه ابـــو عـســاف يـــا حـــي فـالــه
درزي ولـــد هـابــس زبـــون الـثـقـيـلات
قــلــتــه ونـــذكـــر لــشــلاقـــي مــقــالـــه
الفعل ثـابــت والـثـنـاء شـاهــد ثـبــات
نـومــاس فـعـلـه مــــا يـخـصــه لـحـالــه
يذكر لـربـعــه يــــوم ذكـــــر الــمـــروات
مـرهـي عـلـى مـلـي الصيـانـي ريـالــه
ولا هي غريـبـه لـبــو عـســاف عـــادات
والـجـمـس مـنــي حـامــل لـــه رســالــه
شكر وثـنـاء راع العطـايـا الـجـزيـلات
يــاراعـــي الـجــزلــه تـــمـــد الــجــزالــه
عن مـوقـف مايلحـقـك مـنــه شـرهــات
وفـــــــاك مـــلــــزوم عـــلــــي الــوفــالـــه
الطيب مــبــدا والـريـاجـيـل وقــفـــات

خالد الحصني

تسجيل تواجد في منبر الجزاله
صح لساانكـ
بيض الله وجهك

والنعم في الجميع
نص ولا اروع
من كذا
شعرنا الكبير الحصني خالد

صح السانك لاهنت

صح السانك لاهنت وبيض الله وجهك

صح لسانك وعتلا شانك

تحياتي وتقديري

صح السانك وبيض الله وجهك

ونعم ببن درزي وبشاع
رنا خالد الحصني صاحب البيوت الجزيلات
وبربعنا الحصنان وبقبيلة حرب
صح لسانك ياخي خالد وصاحب الجزاله يستاهل

صح الله لسانك
ولاهنت
وسلم فكرك وبنانك
دمت برعاية الله وحفظة