حفل مبارك نهار الصرير الهويملي

ساعة داعني من هل الطيب داعي=لبيت دعوة من داعاني وجيته
تقدير لطيب حميد المساعي= الدرب لو كله مخاطر مشيته
سلام يامبارك شريف الطباعي=ياطيبٍ نسمع مع الناس صيته
لطيب والنوماس والجود راعي=ماصك عن ناصيه بالقفل بيته
في مجلسه للغانمين اتساعي=ووسع من المجلس بصدره لقيته
شجاع ماهو يالعوارف رعاعي=ويشوش راسه من ضفر لانخيته
ماحط له يوم المواقف قناعي=معروف راع الطيبه مانسيته
حكيم في رايه ومدرك وواعي = العام رايه من قناعه خذيته
ربعه تشيد بالناباه الرباعي=في وقت مايلقى الرجل مايقيته
فيهن لركبٍ من سفرهم جياعي=فنجال وصحون الشبب مقتفيته
العود واللي في وقام الرضاعي= طبعه هلا يامرحبا لانصيته
وان ثار عج الخيل في كل قاعي =عدوهم مايهتني في مبيته
هوامله عند الشدايد أسباعي= رداتهم فوق السبايا مميته
قلته وانا موفي مع القوم صاعي=الطيب بعلوم الردى ماشريته
يوم الهواء ذعذع وهزالشراعي=كم عايلٍ في خف رجلي وطيته
اليا دعاني ماقفي لدفاعي=أفدى بدمي حي ربعي وميته
مسروح عظدي والسوالم ذراعي=منهم تعلمت الوفى وصطفيته
هم تاج راسي هيبتي والرتفاعي=وانا الخطاء لاصار منهم رفيته
علي محبتهم يزيد أندفاعي=وان قمت عن طيب ربوعي كفيت

القصيده الثانيه

على كيس قرمٍ له مكانه وشانه شان=دعانا وجيناله من البعد عانيني
من الصبح لكرام اللحا شرع البيبان=توافد عليه الناس طلق الحجاجيني
يقولون راع الطيبه والكريم أمعان= وانا قول لمبارك عسى الخالق ايعيني
عنه بالنيابه يوم رحبت بالضيفان=انا عد نفسي من بني خيه الادنيني
هلا مرحبا ممزوج بالورد والريحان=تراحيب غالي يالنشاما بغاليني
نسوقه مثل سوق المهيل من الرسلان=على الحاضرين من الرجال الحشيمي
يعم الحضور من القبايل مع الجيران=يزيد الترابط والموده مع الديني
على الطيب والترحاب والمسلمين اخوان=هلاياهلا بالقصى العرب والمواليني
ياليل السعد والعيد ياجمعت الصدقان=أحبه وحلو في محل المحبيني
لهم وافر التقدير منا مع العرفان=وعسى الله يمهلنا لما نقضي الديني
علينا لهم حقٍ مثل خمسة الاركان=ومال الوفى غير الوفاء للوفييني
اقوله وانا ممنون في حظرت الشيخان=شيوخ القبيله مطلقين المساجيني
مقاديمنا حاضر وماضي مع العربان= لنا قلب نابض والقبيله شراييني
لاقامو بدعوى رجحو كفت الميزان= ماقول الكلام بدون قيس ومضاميني
لهم يشهد المسجون والسجن والسجان=ولهم تشهد الوقفات بالعسر والليني
نختهم مساجينٍ ورى حايط القضبان=وعلى شانهم شالو كثير الملاييني
لهم ترفع البيظاء على كل عالي بان=مع الزكاء تحيه لشيوخ المياميني
انا حب ربعي حرب عندي من الايمان=والايلومني في حبهم غير مسكيني
غلاهم بقلبي قام يجري مع الشريان= وفاهم وهيبتهم مع الناس تكفيني

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

هلا وغلا يابن العم
شرفني مرورك

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

هلا مليون
يابن العم شرفني مرورك الرااااااااائع

نختـهـم مساجـيـنٍ ورى حـايـط القضـبـان
وعـلـى شـانـهـم شـالــو كـثـيـر الملايـيـنـي
لهـم ترفـع البيظـاء علـى كـل عالـي بـان
مـــع الـزكــاء تـحـيـه لـشـيـوخ الميامـيـنـي
انا حب ربعي حـرب عنـدي مـن الايمـان
والايلومـنـي فــي حـبـهـم غـيــر مسكـيـنـي
بيض الله وجهك


قلته وانـا موفـي مـع القـوم صاعـي
الـطـيـب بـعـلـوم الــــردى مـاشـريـتـه
يـــوم الـهــواء ذعـــذع وهزالـشـراعـي
كـم عايـلٍ فــي خــف رجـلـي وطيـتـه
الــيـــا دعــانـــي مـاقــفــي لــدفــاعــي
أفـــدى بـدمــي حـــي ربـعــي ومـيـتـه


صح السانك بو تركي

	المشاركة الأصلية كتبت بواسطة غازي الزغيبي

	نختـهـم مساجـيـنٍ ورى حـايـط القضـبـان وعـلـى شـانـهـم شـالــو كـثـيـر الملايـيـنـي لهـم ترفـع البيظـاء علـى كـل عالـي بـان مـــع الـزكــاء تـحـيـه لـشـيـوخ الميامـيـنـي انا حب ربعي حـرب عنـدي مـن الايمـان والايلومـنـي فــي حـبـهـم غـيــر مسكـيـنـي بيض الله وجهك قلته وانـا موفـي مـع القـوم صاعـي الـطـيـب بـعـلـوم الــــردى مـاشـريـتـه يـــوم الـهــواء ذعـــذع وهزالـشـراعـي كـم عايـلٍ فــي خــف رجـلـي وطيـتـه الــيـــا دعــانـــي مـاقــفــي لــدفــاعــي أفـــدى بـدمــي حـــي ربـعــي ومـيـتـه صح السانك بو تركي

هلا وغلا يالعملاق
شرفني مرورك ياشاعرنا الكبير

الشاعر القدير سعد المحمدي صح لسانك على هالابداع الغير المستغرب منك يابو تركي قلت واجزلت
القول والنعم والله فيك وبربعنا الهوامله الله يبيض وجهك ويعافيك

	المشاركة الأصلية كتبت بواسطة فايزموسى البشري

	الشاعر القدير سعد المحمدي صح لسانك على هالابداع الغير المستغرب منك يابو تركي قلت واجزلت القول والنعم والله فيك وبربعنا الهوامله الله يبيض وجهك ويعافيك

مليون صح لسانك
يابو ريان
مرورك شرف

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]