(المجتمع)نصف العدد للغنادير؟......................................... .......

البعض مازال يعيش في زمن العصور المظلمة
وينتقد قول المرأة للشعر؟؟ بل يستهجنة
وعزانا انهم قله نقدني احدهم ع قولي الشعر
لاسباب لايراها الا عقله المظلم ومن هذا الموقف جت هذه الابيات

اليوم قيفاني معي مسفهله=تبغى تسطر عن خفى الروح تعبير
الفكر يملي لي وحرفي سجله=يرسم على صفحات قافه تصاوير
من قمة المعنى اليا حد ظله=بسوقها سوق البكار المغاتير
حتى تكامل ذود دقه وجله=معنى على مبنى بلا ايات تقصير
ياللي تقول البيض وش يكتب له=الشعر في سلم المزايين تحقير!!
شكلك مريض وتشكي الفين عله=والا من اللي يدهلون المحاذير
الشعر كاسٍ عذب قوله يزله=اسهيف الذرعان والا المناعير
ماعذرب اللي قبلنا ينشد له=ياما تغنن فيه خلف المضاهير
وانته من انته كان عقلك تقله؟ّ!=وكانك تقول إنك مثل سالم الزير
الزير من جابه ومن راعي له؟ّ!=وانته من اللي ضمتك يومك صغير؟
فكر بها وتقول قولي محله=المجتمع نصف العدد للغنادير
والنصف الاخر في يديهن بنن له=منهن لفيت ويمهن قاصدٍ خير
سنة ولي الكون خلقه ومله=هود وهيد وخل عنك السعاطير
كلٍ اللسانه سيف قوله يسله=والمنطق الحالي مثل صافي البير
عذبٍ قراحه يارده من يدله=والقيل وهبه خل عنك المعاذير
بين البني وشايلين العضله=مامن فروق نقولها دون تبرير
حتى الولد منقود لو زل زله=تمت وصلو عد ماقيل تكبير
على اللذي نزه عن ايات خله=المصطفى عداد نبت النواوير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت
ولاهان حضورك

صح الله لسانك
ولاهنتي
وسلم فكرك وبنانك
دمتي برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنتي وسلم فكرك وبنانك دمتي برعاية الله وحفظة

صح بدنك لاهنت
ولاهان حضورك

الشاعرة الكحيلة صح لسانك الله يعافيك

	المشاركة الأصلية كتبت بواسطة فايزموسى البشري

	الشاعرة الكحيلة صح لسانك الله يعافيك

صح بدنك لاهنت
ولاهان حضورك الرااقي
كل الشكر على ثناك واطرائك
شاعرنا القدير

صح السانك كحيلة حرب ومثل هالشكال
لايهمونك ضعاف عقول
تحيتي .

	المشاركة الأصلية كتبت بواسطة العطيب

	صح السانك كحيلة حرب ومثل هالشكال لايهمونك ضعاف عقول تحيتي .

صح بدنك لاهنت
ولاهان حضورك الرااقي

الشاعر الكحيله
الشعر ليسى محصور على الرجال فقط يوجد شاعرات بالماضي والحاضر
على قدر عالي من الشعر


تقول مويضي البرازيه المطيريه


اللي يضيع الليل يتنى النهارا=واللي يضيع القايله من يقديه