(وقيس الملوح بعد جته الجنوني=من الهوى سموه مجنون ليلى)مساجله مع القدير/ نداء الغيداني

/
/
/
/
/
/
/
/
/
/
/
/
/

بدع الشّاعر/ خالد بن عبيد بن معتوق ألأحمدي=
في مهجتي صاير حراك الشّجوني=بين الامل والياس ضـاع الدّليـلا
هذا الغرام وعنـه يامـا نهونـي=ناس انصحوني نصح ماهو قليـلا
لاكن عنادي حسـب ماتعرفونـي=فيّـه غريـزه محيهـا مستحيـلا
وكابرت وآصرّيت لو ينصحونـي=ماطيعهـم فاللـي بغيتـه خليـلا
وكثّفت مسعايه وحضّـي يخونـي=والمرّ شفتـه بالعـذاب المهيـلا
لاكن عذابي لجـل حبّـي يهونـي=عفيف واسعـى للـوداد الاصيـلا
وحسبي على اللي ياندا يحسدوني=في ودّ مالـه فـي جمالـه مثيـلا
اللي على الفرقا يصيح امغبونـي=مسكين دمعه من فراقـي هميـلا
والنّوم من فرقاه حـارب عيونـي=ياصاحبي صاحبك جسمـه هزيـلا
واردّ للعـذّال لــو يشمتـونـي=اعباره ليعقوب ( صبراً جميـلا )
واما افزعوا ياصاحبي وانقذونـي=ولا تـرانـي بالمحـبّـه قتـيـلا
ردّ الشّاعر/ نداء الغيداني=
في مهجتك طير المحبه ينوني=وعلى صدى صوته تجر العويلا
بحر الغرام اللي يغطّ المتوني=سبحت به لوكان مافيك حيلا
من كثرة عنادك تحدّ السّنوني=وقعدت ياخالد تحطّ وتشيلا
وكابرت لسهوم الهوى والطعوني=وطوّعت نفسك لإم طرفٍ كحيلا
ماطعت ناس لحضرتك يجهدوني=بالرّاي والارشاد والنّصح كي لا
تصبح ضحيه للهنوف الفتوني=اللي على قلبك تشبّ الفتيلا
ترى البني من قبلكم بهذلوني=وفي قلب مثلي يلعبون الحويلا
وقال الدجيما ليت ماولعوني=ولاذقت من كاس الغلا سلسبيلا
وقيس الملوّح بعد جته الجنوني=من الهوى سموه مجنون ليلى
وماتت ومات من القهر والغبوني=من عقبها ماعاش وقتاً طويلا
مير انتبه لمغيّرات الظنوني=لو ميّلن يمك لهن لاتميلا
الا ان به خلٍ صدوقٍ حنوني=احرص عليه وزوّد الكيل كيلا
واهل الحسد ياجعلهم يذهبوني=لاتبتلش فيهم كثير وقليلا
وانا سريع بفزعتي لادعوني=شرواك مير ارتح بظلٍ ظليلا