مجاراة لقصيدة الشاعر العلم/ علي الحصني ( وصف الشعراء )

أليكم أخواني ألاعزاء هذه القصيده المتواضعه وهي مجاراه
لقصيدة الشاعر الكبير والعلم / علي الحصني
وأنا متأكد انها لن تصل ألي مستوى قصيدة ابو فارس ولكن أبت مشاعري الا ان تعبر عن
أعجابي الشديد
بهذه القصيده الشامخه وشاعرها العلم
ولكن أرجو المعذره على القصور

أشهد أن الصدق والعلم الملايم=قاله الحصني وشاهدنا صحيحه
بالبيوت اللي توقع بالصمايم= وضح المفهوم بحروفن فصيحه
عادته بالشعر مايرضى الهزايم=وأن طرق له طرق ماتسمع فحيحه
بيًن الشعار بخطوط وقوايم=كنه ايقول أسمعو هذي نصيحه
شاعرن يمدح وطمعته الغنايم=وباالدراهم تنفجر معه القريحه
وشاعرن جوه مع الشعار غايم=كل ليل وصبح تسمع منه صيحه
وشاعرن بالحب واللوعات عايم =وكل حزه يبكي فراق المليحه
وشاعرن للجزل ماجاب الهلايم=يكسب الندر وكسبان المديحه
خلو الشعار يعطون الخرايم=والسما والارض للعالم فسيحه
ودام للشعار مايوجد قسايم=التزاحم شي مايمكن نزيحه

الشاعر حميدان العوفي

صح لسانك ولسان ابوفارس

واثنينكم مبدعين

و دام للشعار مايوجد قسايم = التزاحم شئ مايمكن نزيحه

الشاعر الكبيرر/ حمدي العوفي

صح لسانك على هذه المجاراة الرائعة .. و لاتستغرب من الجزالة

تحيتي و تقديري

الشاعر نايف عيسى
صح بدنك وبيض الله وجهك
والف شكر على مرورك

الشاعر القدير حمدي العوفي
بيض الله وجهك واشكرك جزيل الشكر على المجاراه الذي اكملة نقص القصيده
وكلي شرف واعتزاز بمجاراتك ومجارات الشاعر المبدع علي بن هليل الحربي
وانتم شعراء خبره وشعراء قريحه انا كتبت خاطره وانته وابو مشعل كتبتو قصايد جزله
اشكركم ويشرفني ورغتو من قدري رفع الله قدركم ومشكورين

	أشكرك عزيزي حمد العوفي صح السانك والسان الشاعر العلم السمي علي الحصني بارك الله فيك وتقبل مروري مع شكري وتقديري لك يامميز __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر حمدي العوفي

صح لسانك ولسان ابوفارس

وبيض الله وجيهكم ومافيكم حيله

أخي العزيز حميدان العوفي
صح بدنك وبيض الله وجهك على
أشادتك يالغالي
ومرورك تشرفت به والله لايهينك

تقبل أحترامي ،،،

الاخ العزيز الشاعر العلم/
علي الحصني
وأنا أشكرك أيضاً على تواضعك
وأطرائك الذي أعتبره وسام شرف لي منك يأبو فارس
والله يعطيك الف الف عافيه

تقبل تقديري وأحترامي الدائم ،،،