يأحفاد أبو بكـر وعمـر ياشبابـه

يأحفاد أبو بكر وعمر ياشبابه=يا ابناء القبايل بأي دار تكونون
قولو هلا باللي رجع من غيابه=ترحيبة تبحث خفا كل مشحون
الدار يوم إنه وطا في ترابه=تفجرت فيها ينـابيع وعيون
شالت عن الوجه المجمل نقابه=وعانق فرحها فرحه الشعب ممنون
عن الكثير انزاح هم وكأبه=وأستبشر اللى عقب فرقاه محزون
شعبه يعزه عزز الله جنابه=إصغارنا وإكبارنا به يــــحيون
كلن نسي نفسه هبابه هبابه=اللى فرح به فوق عشرين مليون
بين المليك وبين شعبه قرابه=حب وولاء وأكثر من ألى تشوفون
سحابه ترعد وراها سحابه=غيث البلاد بعودته يستغيثون
أبو الجميع اللى لهم فك بابه=من دونهم ماحط بيبان وحصون
سلامتك ياريـف شعبه كسابه=شوفك بثوب العافيه يبهج الكون
ياحر ياسيف العدل يانصابه=ياعونة اللى يشتكى قـلت العون
الوقت حطه بين ضـرسه ونابه=واصبح تحت حكم المقادير مرهون
إلين أبـو متعب سمعه ودرابه=فكك مشربكة العقد عنه في هون
به من كرم حاتم وزهد الصحابه=وبه فزعة الفارس إليا جو يعنون
اللى عليه يحاول الإنقلابه=محدود تفكيره ورجعي ومجنون
ياشعب والله من غدا عن صوابه=في عهد أبو متعب ماهو مدركٍ لون
اللى يشب النار تحرق ثيابه=واللى يحاول شقة الصف ملعون

::: شموخ الأصيلة :::

صح السانك وبيض الله وجهك

واللى يحاول شقة الصف ملعـون

^

انا اشهد انه ملعون


قصيده شامخه بمعنى الكلمه ، صح لسآنك مليون ولا يكفون


جزاله متجليه من خلال هذا النص وحبكة شعريه لموهبه فذه

لله درك ، فخور جداً بقراءتي لهذه الدره

بين المليك وبين شعبه قرابه=حب وولاء وأكثر من ألى تشوفون
سحابه ترعد وراها سحابه=غيث البلاد بعودته يستغيثون
أبو الجميع اللى لهم فك بابه=من دونهم ماحط بيبان وحصون
لاوالله ماصك بابه مار حسبي على اللي من دونه

ويستاهل ابو متعب القلب الرحيم

صح السانك شموخ الاصيلة ولجل الوطن تستحق التقييم

كل الود وباقة ورد ..لك ياغالية ولاعدمنا ابدعك

صح لسانك يالاصيله
ويستاهل ابومتعب الله يطول بعمره

صح لسانك يالاصيله
ويستاهل ابومتعب الله يطول بعمره

سبك قوي وعجيب
ترحيبة تبحث خفا كـل مشحـون
به من كرم حاتم وزهد الصحابـه __ وبه فزعة الفارس إليا جو يعنـون

قوه جزاله تناسق
نص رائع جدا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شموخ الأصيلة

صح السانك وأعتلا شانك

أشهد لله أنك أبدعتي وتفردتي في هذا النص ونص ملي بالشاعرية والمشاعر

وأبو متعب يستحق كل هذه المشاعر الصادقة

حفظ الله أبو متعب وحفظ الله بلادنا من كل مكروة وأدام الله علينا نعمة الأمن والأمان

شموخ الأصيلة قد تعيديني لقرأة الشعر النسائي من خلال هذه القصيدة الجزلة

بارك الله فيك وكثر الله من أمثالك

	المشاركة الأصلية كتبت بواسطة شموخ الاصيله

	يأحفاد أبو بكر وعمر ياشبابه=يا ابناء القبايل بأي دار تكونون قولو هلا باللي رجع من غيابه=ترحيبة تبحث خفا كل مشحون الدار يوم إنه وطا في ترابه=تفجرت فيها ينـابيع وعيون شالت عن الوجه المجمل نقابه=وعانق فرحها فرحه الشعب ممنون عن الكثير انزاح هم وكأبه=وأستبشر اللى عقب فرقاه محزون شعبه يعزه عزز الله جنابه=إصغارنا وإكبارنا به يــــحيون كلن نسي نفسه هبابه هبابه=اللى فرح به فوق عشرين مليون بين المليك وبين شعبه قرابه=حب وولاء وأكثر من ألى تشوفون سحابه ترعد وراها سحابه=غيث البلاد بعودته يستغيثون أبو الجميع اللى لهم فك بابه=من دونهم ماحط بيبان وحصون سلامتك ياريـف شعبه كسابه=شوفك بثوب العافيه يبهج الكون ياحر ياسيف العدل يانصابه=ياعونة اللى يشتكى قـلت العون الوقت حطه بين ضـرسه ونابه=واصبح تحت حكم المقادير مرهون إلين أبـو متعب سمعه ودرابه=فكك مشربكة العقد عنه في هون به من كرم حاتم وزهد الصحابه=وبه فزعة الفارس إليا جو يعنون اللى عليه يحاول الإنقلابه=محدود تفكيره ورجعي ومجنون ياشعب والله من غدا عن صوابه=في عهد أبو متعب ماهو مدركٍ لون اللى يشب النار تحرق ثيابه=واللى يحاول شقة الصف ملعون ::: شموخ الأصيلة :::

اذا تجاوزنا المطلع خصوصا مفردة ( ياشبابه )


فاننا امام نص مميز مميز مميز


قل من يكتب مثل هذا النص الشامخ ياشموووخ


نص يضع امامي علامات استفهاااااام كبيره


هل من تكتب هذا النص وبكل هذه القوه بيننا ولانعلم

هل بامكان الشعر النسائي ان يصل لهذه الدرجه من التمكن والاحتراف بكتابة نص يحمل كل مقومات الابداع



اذا فلنحفظ هذا الاسم جيدا ( شموخ الاصيله) ونزيد اطلاعنا على تجربة شعرية نسائيه احترافيه

نعم سبق ان قرأت لك نص كان مميزا


ولكن هذا النص وموضوعه يقفز بك الى مصاف الشعراء المبدعين والمحترفين ويهيئك للتربع على عرش الشعر النسائي!!!




تحيتي وتقديري

الاخت الشاعره القديره ..شموخ الاصيله
صح لسانك مدد وبيض الله وجهك يالأصيله
على ها القصيده الشامخه ...
دمتي بخير