السلام عليكم ورحمة الله وبركاته
بسم الله ابدا وابتدي قافن لعلمي محتوي=قافن حوا علمن يعرفه شيــخ للعلم احتوا
قافن مرافق بالولا ومن المعاني مرتوي=ينــصى الشكيل اللي يوردها على عد الروا
اللي ليا منه بناها في بناها تســـــــــــــتوي =واليا استوى بني البـــــــنايه قالو العلم استوى
ياللي تلبي مطلب السرحان لا جاك يعوي=عساك تسمع من نشب فالضلع ويلج العوا
افزع وورد له حباله قبل حبله يلتـــــــــوي=ماغيرك اللي يسعفه لا طاح والحــــــــبل التوى
وده يروم اللي ترومه لين حيـــــــــــــله يقتوي=ياصل بها قمه مطله لاتـــــــــــــــعزز واقتوا
شفه على راين بديته قبــــــل يعثر ويهوي=واللي ماياخذ راي للــــــعراف فالغـــــــبه هوى
رد الشيخ حسين مريع العبيدي
يامرحبا بالي ليا منه نوى مايغتوي = دايم له الراي السديد ولاخبرت انه غوى
حكيم راي وخطته دايم على الدرب السوى = من صغر سنه مع رجال الفكر ممشاهم سوا
صقر ليا كفكف جناحينه لها تسمع دوي = والصيد لا حافه يطيح الارض لا منه دوا
حبل الرجا ممدود ولا الياس حبله ينطوي = بيت المعزه لك فتح بابه ولا عنك انطوى
ابشر تراها مسفره جاتك على ماتنتوي = الله يعطي كل واحــــــــد من عباده مانوى
جينا بمطلوبك وجاك الي تود وتهتوي = حظك كبير ابشر تراه اللي هويته لك هوا
ارتاح يالقلب المعنا لا تصيح وتنكوي = فرحتك تفرحنا ومن عاداك بالنار انكوى
31-05-11, 03:27 PM
بيني وبين والدي الشيخ حسين مريع العبيدي
العرض الشجري