من لا يشوفك شي لا تنظره شي

مساء - صباح الخير

اليكم هذه القصيدة والتي اتمنى ان

تنال اعجابكم واستحسانكم

والعذر على القصور ان كان قصرنا

من لا يشوفك شي لا تنظره شي=ومن لا يقدر جيتك لا تجــيله
عنه الســعة لا بارك الله ياخـي=بالضيق واجحاف العميل بعميله
صفعة جفاء بمكانها تســوي الني=وتحرق قلوبن من جهلها عليله
لا صـرت لا جاهل و لا تابع غي=وحملي اعرف اكيالته قبل اكيله
تبطين يا يدينٍ تبــي لويت يدي=لو جارني ضيم الدهـر مرتكيله
تطلع لك اشياء من مواقف ولا شي=وتصغر وتكـبر ناس قدم الثقيله
لا تغرك الاسماء من وين ومن أي=خل الفلك يــفتر ويـدور ويله
وتطويك لوعات الزمن تحتها طي=في وقتها قارن بالاسـم وحصيله
وان طال بك لليلك يبي ياتي الضي=ويطعنك من تشكيه بمن تشـتكيله
تجارب الايام ومســـامر الكي=دروس والرجـــال عقله دليله
والشجرة اللي ما بها للـعرب في=ياالله تحـرمها سحـابٍ تخـيله
لا نافــعة ميت ولا نافـعة حي=غصن يباس وكل ريـح يمـيله
الطـيب شي ولا يقارن معه شي=والبــخل ما عز اليدين البخيله

اخوكم : ابو فـــــــراس