يازارع بذورك على بـارق الصيـف ...؟؟

صباح ..مساء
الورد

.


.



.

يازارع بذورك على بـارق الصيـف =دورة فلك صعـب ٍ عليـك اكتشافـه
لاتغرك مـزون ٍ بروقـه رفاريـف =ودوي صـوت رعودهـا وارتجافـه
يزول غيمـه ماسقـى نـوه الريـف =وشمس الضحى تشرق وتكشف خوافه
اذا اشرقت يصفي سماهـا مكاشيـف =وتاضح منازيل العرب فـي ضفافـه
واذا زهت بعض المخاييـل بالطيـف =فيها اندماج اللـوان غامـض مشافـه
وتعذرت رويـة عيونـك ولاشيـف =اللي بـرى قوسـه وشـد انعطافـه
ياصاحبـي بالهـون مابـه تخاليـف =مافيـه شـي ٍ يلـزمـك للكـلافـه
الثقـل يكفـي والتأنـي بـلا سيـف =نوب التجاهـل زود عقـل وعرافـه
خلـه قبـل مايفيـد فيـه التحاسيـف =لاشفـت ماخالـف ظنـون الخفافـه
يحتـار فكـرك والنتيجـه مطافيـف =ويقصـر ولايضفـي عليهـا لحافـه
لاتلتفـت باللـي مشـى بالتجانيـف =عوج الدروب اللـي كثيـر انحرافـه
واحذر بحور الموج فيهـا مردايـف =يطغى على خضر الشـواط ومرافـه
بعض البحور لابد جهـد ومجاديـف =والبعض برمودا خطيـر ومهافـه !!

.



.



تحياتي

.

احمد العوفي
سلمه الله


سلمت ودمت يااحمد ولاعدمنا ك يالقرم




تحيتي وتقديري لشخصك الكريم

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه
..

صح لسانك أخي أحمد قصيدة رائعة تشكر عليها

تمنياتي لك بدوام التوفيق

تحياتي

صح السانك ودام ابداعك وبيض الله وجهك

يازارع بذورك على بارق الصيـف
دورة فلك صعـب ٍ عليـك اكتشافـه
لاتغرك مـزون ٍ بروقـه رفاريـف
ودوي صـوت رعودهـا وارتجافـه
صح السانك يا شاعر احمد العوفي

صح لسانك أخي أحمد قصيدة جزلة من راس جزل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

يازارع بذورك على بارق الصيـف
صح الله لسانك