والشعر عذبه يجي مابه تكلافي ....

قصيدة جاءتني من الشاعر حماد مريزيق البشري

بعد زيارة قام بها معي للامير عبدالعزيز بن سعود < السامر>:

يامحمد الجابه اللي مالها نافي =اقولها من ضمير هز وجدانــــــــــه
حر كمل في نقاء طبعه والاوصافي =حلواٌ نباه وبعيدن شوح ميدانه
راعي هلا مرحبا مقدار للافي=ياطيب سلم النجيب وسلم جدانه
ماهو غريب التواضع والنباء الوافي= من مثل عبالعزيز سعود واخوانه
السامر اسمٍ لمع في راس مشرافي= الشعر فكره جمع حصه ومرجانه
عريب منسب واديب ومعدنٍ صافي =روح الذهب منجمه والطيب عنوانه
له في سنام العلا والمجد ميقافي =علمٍ شهوده من اصحابه وعدوانه
ليا جاء مجال الثناء مع سبع الاسلافي = يرجح مع اهل الوفاء كيله بميزانه
لولا مصابيح غدراء نورها طافي =كان الفعول الجليله مالها خانه
اللي لبس تاج مجد الـ بوسها ضافي = حرٍ عرفته قبل لا طب ديوانه
اقصد سمي المعزي محذي الحافي =عبدالعزيز الثلاثه يرفعن شانه
مع طيب الافعال خلق وسيد عرافي = واكبر دليلٍ على الرجال خلانه
قبلي يقوله لبيبٍ صخر القافي =القيل يبقا ء متى ماشيف برهانه
يامعدن الجود والنخوه والانصافي = اقبل شذا العنبره مع ريح ريحانه
يوم انت راهي وللجزلات صرافي = ان هس قافي بحلمك زل نقصانه

...

وكان الرد مني :

اهلاً هلا ماغدا للبرق رفرافي = واحياء الفيافي حقوقن هل ودانه
احياء به البيد ربٍ يعلم الخافي =اللي كسى الجرد ورد وهلت امزانه
باللي حوى القاف واللي باللقا وافي = والرجل يظهر كنينه منطق السانه
والشعر عذبه يجي مابه تكلاّفي =لا صار صدق المشاعر قدح صوانه
وقافٍ يصوغه لبيبٍ حذق واسنافي = حماد ابو زيد وارسلي بحثانه
ابيات شعرٍ كما الياقوت وانضافي =من بعد مازار أمير الشعر وانسانه
عبدالعزيز ولابوه سعود وقّافي = جل القوافي وجزل الشعر ربانه
سلسال عذبٍ وروده حم الاشعافي = ريف المحيمه حجا المضيوم مزبانه
شهدٍ مصفى قصيده بلسمٍ شافي =او سحر هاروت مع ماروت بالحانه
وكمل مسيره حلي سهيل ينشافي =عبدالعزيز وله اسمٍ عقب اقرانه
السامر اللي حواء من كل الاطرافي =مجداً تسامى سما بالعز واوطانه
غرٍ مباديه وردن طوع واعيافي = واغلى الجواهر لها وسط البحر دانه
الول والماس والياقوت باصدافي =درن تلاء لاء ودون الدر حيتانه
مامسها من يتوق ويرجع اخلافي =من ود مارد والا زاد حقرانه
ينالها مثل ابو راشد ويستافي = بالبذل والجود ماجت ضحك وميانه

وهذه تحيتي
مع اسمى ايات الشكر والامتنان فائق التقدير واطيب المنى رعاكم الله

...
..
..
.
.

الشاعرين الكبيرين حماد البشري ومحمد البدراني صحة ألسنتكم جميع على هالروائع وبيض الله وجيهكم ووالنعم بالسامر

صح لسان الشاعر :حماد بن مريزيق البشري

شاعر جزل بمعنى الكلمة

وصح لسانك أخوي محمد رد وافي وجزل ولاهو غريب عليك الشعر الجزل ,

شهادتي فيك مجروحه


بيّض الله وجهك ولاعدمناااااااك

الأمير السامر يستاهل المدح رجل متواضع وشاعر جزل

صحة السنتكم

تقبل مروري

الاخ العزيز
والشاعر الكبير
محمد عبدالله البدراني
والشاعر الكبير
حماد مريزيق البشري
أولا صحت السنتكم جميعا على هذه القصائد الجزله والممتعه وبدع ورد
في مستوى عالي وهذا لايستغرب من شعراء كبار بحجمكم
ويستاهل المدح الامير عبدالعزيز السامر
وأنتم كفو وماقصرتو بيض الله وجيهكم جميعا
أكرر صحت ألسنتكم مليون ونحن بأنتظار جديدكم دائما

تقديري وأحترامي لكم

صح لسان الشاعر/حماد البشري
والشاعر/محمد البدراني
ويستاهل الشاعر العذب/ السامر

سعدت بتواجدي هنا وعلى القوة إن شاء الله

الله الله الله الله الله

صح السان الشاعر حماد بن مريزيق

وصح السانك يابوعبدالله

قصائد جزله وشعر جزيل واكثر من رائع

والامير عبدالعزيز السامر يستحق المدح والثناء شاعر جزل ومتواضع وراقي

بيض الله وجيهكم جميع وكثر الله من امثالكم وعساكم على القوه دايم

دمتم بخير

الشاعرين الكبيرين حماد البشري





































ومحمد البدراني صحة ألسنتكم جميع
على هالروائع وبيض الله وجيهكم
ووالنعم بالسامر

اجزل الشكر والامتنان لكم وبيض الله وجيهكم جميع

لي عوده اليكم يامن تستحقون الثناء



تحيتي وتقديري

صح لسان الشاعر حماد
وصح لسانك على الرد المتكامل الجميل من جميع النواحي
لايستغرب مثل هذه الجزاله على مثل هذا الشاعر

تحيتي
بانتظار جديدك
الممتع حقا

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\