دنياك ياوجه النكد سنعوسه - قبلك رجال تطول ماطالتها

"
"
"
"
"

"

ياللي لعبت ولعبتك مدروسه =واتعبت نفسك راسم(ن) خطتها
ضحكتني بافكارك الملموسه=وارضيتني يوم اشرقت نكبتها
تبغى عليّ تجيبها معكوسه=وانا مدرس قبلك بحصتها
بدري عليك وربعك المتعوسه=عقبك طرحت بهمتي رايتها
مامنك خوف ولامن الناموسه=اللي كسرت جناحها وابرتها
خلك بدرب العالم الملحوسه=وابقى بنار(ن) شلتك شبتها
رد العلوم ونادم الجاسوسه=واكل الفطيس اللي لكم جابتها
يامجلس(ن) فطرة هله منكوسه=لحم العباد الغافلين اكلتها
ناس(ن) عن الدرب السوي محبوسه=مهدلها ابليس العور فعلتها
واعين مير عقولهم ملبوسه=تبطي ولاتبرابها شكتها
تنخربها من كل جنب السوسه=وعلى دروب اهل الحكي ودتها
ومادامها من غيضها محموسه=علي لازيد الغضا نيرتها
نفسي عن وجيه الخـَبَث محروسه = لو السنين القاسيه حدتها
يوم انها فيما مضى محسوسه=ماضرها مما جرى حرتها
لاشفتها في غلها مغموسه=عالجتها واصبر على علتها
واليوم لو هي بالقسا مغمومسه=ماني بناسي لو عصت عزتها
أعزها عن كلمة(ن) مدسوسه = واحرص لو اقدر باللغا ردتها
كم لحية(ن) من كلمتي مهلوسه=وتضرها لو قيل ماضرتها
مدافعي بالقاضيه متروسه=ياويل ناس(ن) باللقا ناشتها
لو انها في حربها مهووسه=مالومها لو دشرت حلتها
وانحت عن الهرج الهوج مخروسه=واستاذنت واقفت ولاعادتها
به ناس عقلياتها مركوسه=من ساسها مدري جرت عادتها
لو امرنا بيدينها منحوسه=ولاعليها لوم ياجارتها
من حسدها تقل انها منفوسه=ولو حصل شمس النهار اطفتها
تا تفترس لكنها مفروسه=وتبغى صعود النايفه واشقتها
يامدعي واحبالنا ممسوسه=دعواك ماهي مخلفه وزنتها
لو غرتك ماهي سوى دنفوسه=في ذمتي والناس مافاتتها
مير انتبه لو بيضتك مفقوسه =بالمقبله لاتعترض وجهتها
والكلمه اللي قلتها مطموسه=بيديّ لو بعض الرجال افختها
تمسي وعينك بالقدم مدعوسه=والصبح تشكي للعرب عمستها
ولاتلوم عيونك المعموسه=ترى ملامك يمها يبهتها
لومك يطاول نفسك المتعوسه=يوم اخلفت ميزانها نيتها
دنياك ياوجه النكد سنعوسه=قبلك رجال تطول ماطالتها
لو ان مابك يالهطل ناموسه =خوذ النصيحه يوم جت حزتها
لاتطب دار الا وهي معسوسه=ولاتهوش كبار ماهاشتها
وامش الدروب ان كانها مسيوسه=والا تراك ترد مع ساقتها

"
"
"
"
"

"

قصيده هادفه ومبطنه

ومعناها في بطن شاعرها

والاكيد انك يا الهبيري شاعر متمكن

وقولت صح السانك ما بها منه

وقصيده فيها اعتزاز و افتخار يليق بحجم شاعرها

اكرر صح السانك تقديري وحترامي

لاهنت يالحنيني وبيض الله وجهك ..
كلام رائع من شاعر جزل ..
أسعدني تواجدك ولاعليك زود طال عمرك ..

صح لسانك كسرة رائعه
الله يـعـطـيـك الـعـافيـــــــــــة يــابــن الــعــم

بيض الله وجهك

الشاعر القدير والرائع
الاخ العزيز
بدر الهبيري
صح لسئانك وبيض الله وجهك دائما جزل ومبدع بكل الحالات
وقصيده عانقت السماء

فلله درك


تقبل اعجابي وتقديري

مامنـك خـوف ولامـن الناموسـه
اللـي كسـرت جناحهـا وابرتهـا
خلـك بـدرب العالـم الملحـوسـه
وابقـى بنـار(ن) شلتـك شبتهـا


الله اكبررررر


ياسلام عليك يابدر
وصح صح ال سانك
وعلا شانك

قصيده من العيار الثقيل


لاهنت يالقرم



تحيتي وتقديري

الشاعر الراائع
بدر الهبيري
صح لسانك مدد بلاعدد

قصيده جزله ورااائعه
قصيده عن عده قصاائد
ابدعت في حبك ابيااتهاااا

وكفووووا يالهبيري

بيض الله وجهك يابن العم

الاخ الكريم رابح الجحدلي ..
يعطيك العافيه وصح بدنك وللعلم القصيده
ليست من الكسرات ولامن بحرها وهذا
للتنويه فقط لكي لايختلط على البعض ..
أشكرك واتمنى ان تتقبل وجهة نضري ..

الشاعر الرائع حمدي العوفي ..
صح بدنك يالقرم ولاعليك زود حنا نتعلم منك طال عمرك ..
بيض الله وجهك واتشرف بمتابعتك يالغالي ..

f]v hgالشاعر القدير
بدر الهبيري
قمة الابداع
و اشاده لك على ادره الثمينه هنيا لك على هل قريحه الجياشه لللامام سير