رسالة للاخ محمد عبد الله البدراني

يامرسلي ولم وشد الرحالي= في موتر شاريه من راس ما لي
ثم اتجه يالظفر صوب الشمالي=منصاك للي لجلهم سقت الامثال
انصى رجال المعرفة والحمية = مالك طلب معهم ولالك دعية
ماغير تقديم الوفاوالتحية= وتلقى بدلها عندهم فال واعقال
انصى الرجال مرجحين الموازين=ولااحد بجاهلهم رجال البدارين
بلغ سلامي للربوع الموالين = عساك تلقاهم على طيب الاحوال
وقول ياسموا الصقور الحراري= هذا جواب من الرفيق المباري
منزهينه عن جميع المزاري= ماله عن محمد ملاذن ومحيال
عطه الجواب ولاتبيح السدودي=لجله يعرف الصادرة والورودي
واحذر تجيني ماعطاك الردودي=والياعطاك الرد عطنيه فالحال
ثم اساله عن خمس لجله مسواه= لابان معناها ولاهي مخباه
ماظنها تصعب لمثله وشرواه=فاهم محنك ماعلى مثله اشكال
الاولة وش بنت تنقل ولدها = في حضنها ماهو مفارق جسدها
وان جولها ورعان ضيع جهدها = يطشهم عنها وترضى بالافعال
والثانية نورن يزيل الضلامي= يولعه شخص رفيع المقامي
والياطفا مافاد كثر الكلامي= النور ذا دايم فالاحكام فعال
والثالثة وش رجل ماحدن يسبه= باغلى ثمن نشريه من زود حبه
المبتدى والمنتهى بسم ربه= وانت من اجله متعب الحال والمال
والرابعة عودن ورى الباب تلقاه=وهودليل اللي بالاعيان يرعاه
مايتركه يالين يوصل لمشحاه= واليا وصل ماعاد يطري على البال
والخامسة رجال لاجا مجاله= يدوربين الناس ماحدن يناله
كلن يهابه يوم درج قباله =غير الشجاع اللي للانشاب حلال
واسلم ومن يسمع ومن شاف سالم=وانا انتظر منكم تجينا المعالم
واعداد من صلى ولبس المحارم=صلوا على محمدوهي خير الاقوال

اللهم صلي وسلم على رسولك محمد

جزاااااااااااااااااااااااااااااااااااااالة يا بن مريع وانت من اهل الجزالة

والنعم با الجميع


وبحرب كلها

لاعدمناكــــــــــــــــــــــــــــم
وننتظر رد ابو عبد الله
وصحت السنتكم

صح لسانك على هذه الرائعة وبيض الله وجهك

الشيخ والشاعر الكبير
حسين مريع العبيدي
صح لسانك وعتلا شانك
قصيده جزله من شاعر جزل
موجهه لشاعر جزل تحياتي وتقديري

الشيخ والشاعر الكبير
حسين مريع العبيدي
صح لسانك وعتلا شانك
قصيده جزله من شاعر جزل
موجهه لشاعر جزل تحياتي وتقديري

صح لسانك على هالقصيده الجزله ولاهي غريبه من شاعر بحجمك

بانتظار المزيد

الشاعر الكبير
حسين مريع العبيدي

صح لسااانك مليون على القصيده الجزله الوافيه
والتي وجهتها لشاعر غني عن التعريف
صح لساااانك مره اخرى وبيض الله وجهك

	المشاركة الأصلية كتبت بواسطة العطيب

	اللهم صلي وسلم على رسولك محمد جزاااااااااااااااااااااااااااااااااااااالة يا بن مريع وانت من اهل الجزالة والنعم با الجميع وبحرب كلها لاعدمناكــــــــــــــــــــــــــــم وننتظر رد ابو عبد الله وصحت السنتكم

هلا وغلا اخوي
صح بدنك وطال عمرك
شرفني مرورك المميز لاعدمناك وشهادتكم نعتز بها
تقبل الود والتقدير

	المشاركة الأصلية كتبت بواسطة العنود.

	صح لسانك على هذه الرائعة وبيض الله وجهك

صح بدنك اختي العنود وجه ابوك الابيض
اختي شرفني مرورك
تقبلي تحيتي وتقديري

	المشاركة الأصلية كتبت بواسطة سعد المحمدي

	الشيخ والشاعر الكبير حسين مريع العبيدي صح لسانك وعتلا شانك قصيده جزله من شاعر جزل موجهه لشاعر جزل تحياتي وتقديري

حياك الله شاعرنا وغالينا
صح بدنك وطال عمرك
الجزالة في مرورك المميز
شرفتنا اخوي
تقبل تحيتي واحترامي