ديوان الشاعر سعد بن رجاء الحصني الحربي

واقلبي اللـى للهواجيـس مدهـال=مثل مضيـف أثليـم قلبـي لهنـه
قلبي هواجيسه على أنواع و أشكال=لا صـدر الفيلـق رديفـه لفـنـه
على الذي ياقـل مثلـه بالاجيـال=ياقـل مثلـه بالعـذارى أنجبـنـه
عينه كما عين أشقـر بيـد هـذال=والعنق عنق الريـم مثلـه وكنـه
بنت أبدوي(ن) مرتعه شرق وشمال=يتبع هوى أنياقه على كيـف هنـه
ما يعوقهن عن مايبن بى الاحـوال=درب الخطر يطـاه مـن شانهنـه
مشيدن بيتـه علـى راس ماطـال=ومزبان من سـود الليالـي حدنـه
سمحٍ نباه وطيب الجد و الخال=نجره نهـار وليـل دايـم يدنـه
قولة هلا هي عادته مابـه جـدال=يستقبـل اضيوفـه بهيلـه و بنـه
ذربن و لد ذربن من رجالٍ أبطال=عسى سهوم الموت يبطن ماجنـه
وعليك يالمجمول يا بـاري الحـال=هلن عيوني دمعهن مـا أجحدنـه
من يوم ما قفى ضعنكم و رى الجال=عليك قلبـي جـر تسعيـن ونـه
و صلاة ربي عد مـا هـل همـال=على نبين الحـق لنسـه و جنـه

يازين غـرون يامحمـد لقيتـه=قبل امس وانا رايحٍ لاستلامـي
يمشي امن الخياط راجع لبيتـه=بالفايزيه حول دكـان سامي
لفيتله من دون لاشعر وجيتـه=وقفة قدامـه اموقـف نظامـي
ونزلت عجلانٍ وبسمه ناديتـه=ياريم وانت الريـم ليا غرامـي
قالت خطا اسمي يارجل مالقيته=ماهو على كيفك اتسمي الاسامي
وناظرة واليا الجيب يشر ابليته=ومعلق البوري لعين الرسامـي
وصفط وطبح سايقه ثم نويتـه=لاكن بلايه خمني في اعظامـي
ثم قلتله يمك تـرى مابتاليتـه=اهوه سبب بلواي يابن الكرامي
ادخل على اللي فارضٍٍ حج بيته=انك اتعاين يم ظبـي العدامـي
ويوم التفت واليا مرده نهيتـه=نهيت مسجونن صدرله اعدامي
ثم قال مـاولله حليـه رئيتـه=سبحان ربن كملـه بالتمامـي
ثم قلت اجل لاتلومني لونصيته=امشي ابليا اشعور مابه كلامـي
ولطفت في حاله ومعيه خذيتـه=وشرحتله عن ناقشات الوشامي
افعالهن بالناس قد شاع صيتـه=يكفيك عنتر من ضحايا الغرامي

قصيدة مهداة الى الشيخ منور بن غلاب بن طعيسة الحصني رئيس مركز دهيماء بالقصيم بناسبة ترقيتة الي المرتبة التاسعة....................

مبروك ياريف المساييـر والجـار=مبروك يامنـور زعيـم القبيلـه
مبروك ثم مبروك ينسل الاحـرار=مبروك يـاراع الفعـول الجزيلـه
وثقبك اللي حاكـمٍ كـل الاقطـار=وانتـه محـلٍ للثقـه والفضيلـه
صدر قرارك ضمن عشرين مغوار=وانته امن اولهم يـاراع الجميلـه
رقوك لنك كفو يـاواف الا شبـار=والكفو مثلـك مالـه الا الثقيلـه
ربعك تباهابك من اصغار وكبـار=كـلٍ فرحبـك يامزبـن دخيـلـه
طورت مركز ديرة العـز والكـار=دارٍ لنـا يمـال وبـل المخيـلـه
من حسن تدبيرك ومن رزن الافكار=صارت ادهيما كنهـا الخنشليلـه
وانته نسل يامن عسا واهج النـار=ماتقرب لجثمـان حـام الدبيلـه
غلاب يوم الوقـت قاسـي اودوار=وقفات شيخ الشمل ماهـي قليلـه
على القبيله كنـه الوبـل مـدرار=ايعده اللي عاش في وقـت جيلـه
وجدك يابو سلطان وراد الاخطـار=درب الخطر ينصاه عمد اويجيلـه
اليا اعتزا بحسنا وعج الرمك ثـار=انشهـدٍ الميـل قسمـة قبيـلـه
منور يهابونه مشاييـخ الامصـار=كلٍ ايعرف افعـول راع الاصيلـه
دون القبيله كنه الضلـع سنجـار=ترفع له البيضاء براس الطويلـه
وختامها مبروك مبـروك تكـرار=اقولهـا لـك يازعيـم القبيـلـه

قم يا رجاء قرب الدفتر و سجـل لـي=أبيات شعر(ن) من التقصير محفوظـه
عن موقفن قبل ستة أيام حاصـل لـي=شرقي شمال الذهب و مقابل الروضـه
شاهد لي شاب شكله يارجـاء مولـي=مدودل أقدام رجلـه حانيـن حوضـه
قلت ايه ابروح يمه عل يا عـل لـي =أساعده و أنشده و أحكم بملفوضـه
جيته و سلمت لكن قـام يغنـج لـي=ويقول قول يلوف القلـب و يجوضـه
قلت أنت عقلـك بـلا شـك مختلـي=قال أنت جاهل ما تدرى بأخر الموضه
قلت أيه عن موضتك يا التبع متعلـي=ماشى على نهج أبويه زانت أحضوضه
قال الدمقـرط غزانـا زل ثـم زلـي=نصايحك يا قديـم الشكـل مرفوضـه
قلت الدمقرط وشنهو هيـه بيـن لـي=قال الدمقرط تصير أسلومنـا فوضـه
نغير الزى و المنطـق و ننحـل لـي=و الباقى أعظم و خل الامر بغموضـه
قلت انت راضي تصير انسان منذلي=قال ايه راضي ينادوني بسم روضه
وأقفيت و الدمع من عينـي ِ منهلـي=متحسفن به عسئ ربي الملا يعوضـه
و آخر كلامي يا سامع يا جب تصلـي=على رسولا ً عسانـا نـارد لحوضـه

البارحـه ماطبـق الجفـن بنعـاس=ولاذاقـن اعيونـي لذيـذ المنامـي
سهران طول اليل والفكـر محتـاس=والقلب يشضنه همومه اشمامي
ولانيب ابساهر عاشقن ضبي الاطعاس=العشـق مادانيـه بـول اعـوامـي
اناسبب مافي من بعض ها النـاس=شذابت المقفـي اعيـال الحرامـي
ناسن يابو نافع على شكل وجنـاس=تمشي معك وتقـول ناسـن تمامـي
وثر المرض بقلوبهم مالـه اقيـاس=ولالرجـال الطيبـيـن احتـرامـي
بين الخلايق يبيض الوجـه بـلاس=مايستريـح الا اليـا نـم نـامـي
بالنم والغيبه لهـم يرصـد الكـاس=كاس الردى والهون مابـه كلامـي
وياالله يلي في يده قبـض الانفـاس=ياوامـر النهـار يجلـى الظلامـي
بحماك تحماتا من اشرار الانجـاس=نلـوذ بـك يـارب ياخيـر حامـي
وصلاة ربي عـد ماهـب نسنـاس=على نبـي الحـق وختـم كلامـي

وهني منهو لقبـل اليـل يرتـاح=يرتاح ليله دالـه القلـب سالـي
ماهو ابمثلي لقبل اليـل يجتـاح=قلبي اهمومـه هبلنبـه اهبالـي
اسامر انجوم السماء لين الاصباح=اجـاذب الونـات ممـا طرالـي
كله سبب غزون غزانا بلاسـلاح=غزون غزانا من جنوب وشمالـي
تخطيط الاعداء ياهل العرف ذباح=مقصودهـم حنـا بليـا جدالـي
شبابنـا بيدينهـم تقـل مسبـاح=اينفـذون اللـي يبونـه عدالـي
بمخدراتن تجعـل العقـل ينـزاح=شين نشوفـه ياكـرام السبالـي
وغيره وغيره يابعيدين الاشبـاح=شرن يجوض القلـب ياهملالـي
ياجب علينا انقوم ابدور الانصاح=ننصح ونطلـب ربنـا ذالجلالـي
امـام ومعلـم وشاعـر وفـلاح=وامن تقوم بدوررها بالكمالي
وليا اجتهدنا بذن قبـاض الارواح=نجني ثمـر مجهودنـا يرجالـي
وصلاة ربـي عـد مابارقـن لاح=على نبي الحـق وختـم مقالـي

في موقع الديره اللي من قديم الزمان=أسجل اسميابموقعها و أمـاري بهـا
دخنه من أديار حرب وموقعٍ للأخوان=افعال اهلها كثيـر النـاس تحكيبهـا
قبل الجزيره اتوحد كان يابو راكـان=حامينها ماحدن يرعـى بأشاعيبهـا
فيها البهيمه وبن بتلاء تنام ابضمان=اشيوخ قومن تفتـل روس اشانيبهـا
عن البهيمه لو أكتب كان تعب البنان=أفعال عايد جميـع القـوم تدريبها
والموت ياردله البتلاء عيـانٍ بيـان=شجاعة اذعـار خلـق الله توحيبهـا
واليوم في حكم أخو نوره وعم الامان=أنشهـدن الجزيـره جالهـا ذيبهـا
بدل زمان القتل والغـي بالاطمنـان=خلا القبايل كما الاخـوان وصحيبهـا
ومشوا عياله على ممشاه سر وعلان=الشجره اللي يفوح الطيب من طيبهـا
وصلو على اللي بعثه الله لنسن وجان=شفاعته من تبـع ماقـال يحريبهـا

يلي تسبون الزمن لاتسبون=خافو من الله سبكم له ضليمه
ترأ الزمن أهو الزمن لا تقولون=هاذا زمانن يختلف عن قديمه
صحيح ماقلتوه لاكن تدرون=المشكلة فينا يمال الغنيمه
حنا تغيرنا من اللف الى النون=شين أمشاهديالوجيه الكريمه
قضّفت مذاهبنا ومن دون في دون=كلن ايحسب ان المقابل خصيمه
وكلن يذم الوقت والوقت مصيون=وذم الزمن ياهل المعرفة جريمه
ولااعم كل الناس وانتم تعرفون=ابراي لله يالرجال الحشيمه
ويالله ياعالم خفى كل مكنون=يارب يامحيي العظام الرمييه
يحافضن في داخل الحوت ذ النون=يامغرقن فرعون ومنجي كليمه
بحماك تحمانا من الي ينمون=اهل النمايم مهتوين النميمه
بين الخلايق يبيض الوجه يسعون=بل الكذب والفتنه ونشر الشتيمه
هاذي امناهم ياملا كان توحون=يالعنبوها من مناتن وخيمه
وليا جيت تنصح قالو الوقت هلون=هذا الزمن لا تقول هاذي ظليمه
وختامها ياسمع القول تكفون=صلّوا على اللي راضعن من حليمه

يكاتب آكتـب و آنتبـه للكتابـه==خلك لبيب الفكـر و أكتـب بترتيـب
أكتب عن الحصنـان يـا وي لابـه==ربعي هل الطـالات كسابـة الطيـب
المـوت نـارد غبتـه مـا نهـابـه==نارد أحياض الموت ما عنه تجنيـب
كم شيخ ٍ قـوم(ن) جودلـه صوابـه== واصبح عشاء للطير مع لبوة الذيـب
حنـا لقانـا كـل قـوم(ن) تهـابـه==قد قالها أبن حميد شيـخ الآجانيـب
بقيـادة اللـى حـي و الله جنـابـه==منور عريب الساس معطى المكاسيب
ودون الخـوي أفعالنـا مـا تشابـه==الا نويشى كاسـب المـدح لا ريـب
فعل(ن) لبـن سـرداح كلـن درابـه==دون الخوي سوي عجيب التعاجيـب
لجل المطيري يـوم وخـذت ركابـه==قتل ولـد عمـه ولا يلحقـه عيـب
ر جّـع لـه أركابـه وزود زهـابـه==وقال أتجه بمان مـن يعلـم الغيـب
ومشـى معـه حتـى تعـد اللهابـه==حتى أستقر بـدار شيـخه اتريحيب
فعل(ن) حقيقـي كـل حـيّن حكابـه==يروونه الأجناب و أيضا الأصاحيـب
و اليوم في حكم(ن) هـلا مرحبابـه==حكم السعـود مكمليـن المواجيـب
أنهو زمان الغـي و أيضـا الحرابـه==وصار الجميع أخوان من دون تعصيب
وساد الامن والخيـر فتحـت أبوابـه==و الشر ولى وآنتهـى كـل تعذيـب
و الفضل للمعبود منشـى السحابـه==رب(ن) عليه من اتكل حق ما يخيـب
وصلوا على اللى خير مـن يقتدابـه==نبينـا اللـى مـا نطـق بالاكاذيـب

بسم الكريم اللي عليه اتكالي =علاّم مايبديه قلبي ومخفاه
الواحد المعبود منشي الخيالي = رب حما محمد وبو بكر بحماه
ومن بعد ذكره قوم يغلا ا اعيالي = اكتب كلامن صاغه ابوك وملاه
اكتب على بيض الورق مطرالي = وحرص على خطه ونا بوك ورعاه
البارحه دمعي على الخد سالي = هلن اعيوني دمعهن مقدّر انهاه
ماهو سبب غرون زهى باالجمالي = غرون جماله يبهر اللي تحلاه
ولاهو سبب من قل حالن ومالي = الحمد الله واجدن ما تمناه
اسباب مابي ياعريب الخوالي = الموقف اللي يارجاء ماّقدر انساه
هكالنهار الله ايجيرك اقبالي = قدم الطواري شفت لي عود ونثاه
حذفهم السواق وقفى ايلالي= ينفخ وكنه حاذفن له ولد شاه
اكبارسن وضعهم ياحلالي = يدمّي القلوب ومن نظرهم يقول اه
وفزيت انا ويا اقروم الرجالي = كلن نطحهم يرتجي عفو مولاه
ومسكت يمنا العود هي والشمالي = ومشيتبه ونثاه خلفه وتتلاه
وجلستبه عند الطبيب الموالي = وقال انتبه لبوك وقفى وخلاه
ومن كلمته هلت ادموعه عدالي = وجرّ الزفير اللي يشيب من اوحاه
وعرفت سر العود مابه جدالي = انه ايعاني من عقوقن من ابناه
وناظرت واليا انثاه يابو طلالي = تصفق ابراحه فوق راحه وتنعاه
وتدعي عليهم علهم للزوالي = والعود معهايرفع ايديه بدعاه
ورتعت منهم يكرام السبالي = قلبي من ادعاهم تمزع من اقصاه
قلت اصبرو ودعو عزيز الجلالي = يهديهم اللي ماخسر من ترجاه
ومن عقبهم ونا سهير اليالي = بس اتخيّل وظعهم والمعاناه
ويالله يامعبود ياذا الكمالي = احي ياقيوم يامخزي اعداه
اصلح لنا نياتنا والعيالي = امين يامن مالنا غيره ايلاه