ابسرج المهره

أبسرج المهره مع فجة النور =وأخذ زهابي للديار الخليه
بسج في روضٍِ خضرمطلع زهور=الصيد واجد والخباري مليه
ومعيه خويي لاطلبته على الفور=يضبط البراد والشاذليه
في خايع من الوسم يابدر ممطور=ريح النفل يرد روحي عليه
ونوح القماري وأم سالم لها دور=وجول الحباري في الديار العذيه
حلفت أنا بالذود لعدي القور=أذا الله عطاني فوق ظهر العبيه
بنحاش عن جو المدينه يابو سرور= بنحاش عن بعض العرب والأذيه
أبترك اللي هرجته قذفة العور=ماعندهم شيمه ولا مقدريه
تعبت من دنيا بها البس له دور=حتى الثعالب تلعب السامريه
واقنب كما ذيب قنب داخل السور=كان محبوس وجاه الفرج من وليه
واليوم في راس الطويله وله دور=قايد قطيع بدولة ساحليه
وصلاة ربي عد ما شعشع النور=على النبي المختار سيد البريه

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يعطيك العافيه
بيض الله وجهك

أخوي ابن فرهودوأخوي رابح الجحدلي صحت ابدانكم واسعدني مروركم وشكراً

تعبـت مـن دنيـا بهـا البـس لـه دور
حـتـى الثـعـالـب تـلـعـب السـامـريـه
هههههههه
صح السانك
والله يعين ياخوي على هذ الزمن

صح لسانك وبيض الله وجهك

قصيدة جزلة من شاعر جميل

لك خالص التقدير

الاخ القديرعبدالرحمن مصلح

صح السانك ودام ابداعك وبيض الله وجهك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير