 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
08-10-10, 01:07 PM
|
#1 | |
|
شـــــاعر
|
الألفية (1)
[quote746840]
الالف انا وياك ياحامل المسك = بالطيب نافسني وبالطيب انافسك [/quote]يوم ان راع الكير يحرق ملابسك = الله فرق مابين خلقه بالاعمال أعمال محموده والاخرى خبيثه = اللي ذكرها المصطفى في حديثه من له ورى الدنيا مطالب حثيثه = ماهو ليوم الآخرة مشغل البال والباء بديت أدخل بصلب القضيه = وأخاطب أصحاب القلوب النقيه من مقصدا" طيب ومن صدق نيه = كله لجل خاطرك ياطيب الفال الفال طيب والنوايا سليمه = والقلب صافي والعداوه عديمه والصدق أمانه والامانه عظيمه = عن حملها عين سموات وجبال والتاء تمعن بالحياه وتدبر = أخذ العبر منها وحاول تعبر وان كان مسك ضر منها تصبر = الصبر مايقواه ياكود رجال رجال تلقى فيه معنى الرجوله = ماريته فعله موافق لقوله مايكفي الرجال عرضه وطوله = مادام لشروط الرجاجيل مانال والثاء ثمر حياة الإنسان زهده = عن شهوتن تجني تعاسه ولهده منها يشيب الطفل في وسط مهده = إن صح تعبير المعاني والامثال أمثال نظربها لجل يفهم القصد = نرصد معانيها بدون أجهزة رصد نزرع نصايحنا لجل حزة الحصد = والله يعلم كل من قال وش قال والجيم جنب واحدن مانت مثله = شبيه ابو مقيال في قاعة أثله اللي يسمي لحية الرجل كثله = ماهو غريب يسمي الحكمه خبال خبال بعض الناس ماينتصور = أن حل بكبود الرياجيل عور وان صك دونه باب خطر يتسور = علة نحر مستعصيه شرها طال والحاء حرام الكذب ياراعي الكذب = تشرب حثاله ليه ماتشرب العذب ؟ أتعبت حالك والسبب كثرة الهذب = لا تحسب ان الكذب عادات الابطال ابطال خلق الله تخوض المعارك = الكل منهم ساعة الحرب شارك والا انت يوم الحرب مقفي وفارك = ماهي غريبه منك خاين ومحتال والخاء خطر فالبال فكرة جديده = وين الرجال أصحاب الأريا السديده أهل التميز والعقول الفريده = عندي لكم ياهل المواجيب سؤال سؤال ياهل العرف يحتاج إجابه = بالذات في وقتن كثيفن ضبابه يامن خبر مخلوق يحلب سحابه = واحد يقول انه يبي يحلب خيال والدال داخ الراس من عوج الالسن = للشر ماينسن وللخير ينسن لو انهن خرسا" عن المنطق أحسن = وش فايدة عوج السواليف يارجال يارجال هذي والله أكبر سخافه = الرجل يعلن للجميع انحرافه والمهزله يطلق عليها ثقافه = أمحق ثقافة ياجماهير الاشكال والذال ذل وعيب واكبر تخلف = لجاك رجلن كن وجهه مغلف مكياج مع حمره وشيا" مولف = ونعومة ديانا ونجوى وباسكال باسكال وديانا ونجوى تراهن = خسرن محبيهن ونص أخوياهن أتباع مايكل جاوزوا مستواهن = فازوا عليهن بالدلع والتحلحال والرا رحا الدنيا تدور وتقلب = والمخ من كثر التفاكير صلّب جيش الشقا على السعاده تغلب = والهم عيا ينتهي وانحف الحال الحال نحفت والشرايين جفن = واشوف حظي قدم عيني مكفن وحظوظ عكفان الشوارب توفن = سنة عظيم الشان في كل الاجيال والزاء زعيم الشر يبعث سراياه = ماكثر معاوينه وماكثر ضحاياه في كل صبح يحط عرشه على ماه = واعز واحد عنده أنجسهم أفعال أفعال تهدف لانتشار الرذيله = موجهه لهل الشرف والفضيله تفريق بين اثنين بيا وسيله = وتزيين للباطل على عيون جهال والسين سولف يالسان الحقيقه = لاتاخذ الا من مصادر وثيقه ليه المتاجر تلتهمها حريقه = وليه الربا سموه من فايض المال المال سوا بالخلايق سوايا = كنه من الشيطان عنده وصايا طير عقول اثقال واخلف نوايا = وكم واحدن من سبته صابه اجفال والشين شيا" يذهل العقل ذكره = أردى على نفوس الشريفين واكره من كل تخميره ومن كل سكره = شيا" نشوفه بدل أحوال باحوال أحوال منها كل عاقل تهول = كم واحدن فيها بالافكار طوّل حتى عجز عنها وصد وتحول = يقول خلك زول من عرض الازوال والصاد صار الحر يخشى الجراده = ماهي جبانه منه لكن قراده منصاب بالحمى وضعف الاراده = لو ان ذكره زين الى اليوم لازال لازال ذكر الحر باقي إلى اليوم = لكن ماله دور بسياسة القوم لو كان دوره ماضي الوقت معلوم = اليوم دوره بالسوالف والاقوال والضاد ضر الناس كثر التفاخر = بعض النفوس ترز روس المناخر والوقت بانواع المظلات زاخر = والمجتمع هزه من الوقت زلزال زلزال زلزل بالعقول ونسفها = أخفى معالمها وضيع هدفها وابصار جاها برق ليل وخطفها = وقامت عليها مزون الافكار تنهال والطاء طرا فالبال كلمه ومعنى = اسمع يامن بالراي لازلت معنا أيضا من اللي شفت في مجتمعنا = حاجه لها بقلوب الاخيار منزال منزال عالي للامانه بلا شك = عند الرجال اللي تفك النشب فك مار الامانه دكوا أسوارها دك = أهل الردا مابين خاين ودجال والظاء ظهرك براعي الطيب شده = لجاء نهارن فيه لده وهده والا الردي عند اللقاء لا تعده = والفرق واضح بين طيب وبطال بطال متميز بفن البطاله = مايمشي الا بالردا والنذاله لكن ترا بعده عن أهل الشكاله = بعد السعوديه عن حدود نيبال والعين عمر الآدمي كله هموم = اليوم طيب مار بعدين محموم لادامت الراحه والا العله تدوم = هذي هي الدنيا مسرات واهوال اهوال دنيا كلها وقت وتزول = مار البلا اللي معك دايم على طول أهوال يوم الآخره تذهل عقول = رحمتك يامنزل برآءة والانفال والغين غير اللي ذكرنا وقلنا = علوم عن واقع خفاها عدلنا لو كل ماشفنا المنازل نزلنا = كان ابتلشنا بين ناشد ونقال نقال هرج الناس بالناس بلشان = دايم تشوفه رافع الثوب عجلان خايف تفوته قولة فلان لفلان = مايمسكه ياكود مرسام وحبال والفاء فتنت الناس ياجندي ابليس = انته ومن يدعمك خلف الكواليس قربت أهل لندن وسكان باريس = رغم المسافه بيننا آلاف الاميال أميال مابين العرب والخواجات = خليتها ياجندي ابليس زرقات قلنا وش الموضوع قالوا قناوات = عبر الفضاء تجيك أشارات وارسال والقاف قوم أوكيه راحوا بيدها = أمواتهم ماعاد يعرف عددها وأهل العراق تذود عن معتقدها = هم للأسود الضاريه نعم الاشبال أشبال من ذيك الأسود الشجيعه = أهل السيوف الساطيات السريعه ضرباتهن على المعادي فضيعه = لجاء نهارا" فيه صولات وقتال والكاف كفار العرب والأعاجم = ماحصلوا ياكود ضرب الجماجم دفع الدفاع أنهك هجوم المهاجم = والمعتدي يرجع من الحرب حمال حمال حملن يحمله كل نمرود = مايهتني بخيانته خاين عهود ولاينفع أصحاب الخطا كل مجهود = لو حاولوا تمييلة الحق مامال واللام لولا طعنة كليب من خلف = عيا الحليف المحترم ينقض الحلف ولو ماتسل سيوف ماسحبت الشلف = ولولا وعود إبليس مايوجد أنذال أنذال مع كل القبايل تجدهم = على أمتحان الناس جابوا جهدهم يمارسون الغدر لو مع ولدهم = فرسانهم خاين ودارق وختال والميم من يشكي على الناس همه = لو هم عيال أخوه وعيال عمه يمكن على راسه يجيب المطمه = حيث الفرج مايملكه عمن وخال الخال هو والعم ضمن الأوادم = الكل منهم يمه الموت قادم لايدفعون اللي للافراح هادم = ولايكشفون الضر والضر قتال والنون نبع الشعر هز المشاعر = ولاكل من يطلع بالاعلام شاعر يابعد نادك عن حليب الأباعر = يامدخلن في ساحة الشعر موال موال فن لصالح الفن محسوب = وشلون صار الفن للشعر منسوب للمطرب أسلوبه وللشاعر اسلوب = من بينهم فرقن كما أيام وليال والهاء هجوم الصرب والروم والفرس = ماينطح بالسيف والرمح والترس لابد ماناخذ من أسلافنا درس = النصر شرطه قوة إيمان خيال خيال خيل وجامعن بين ثنتين = مع قوة اليمنى جمع قوة الدين على كذا لو خاض كل الميادين = النصر دايم صاحبه وين ماجال والواو والله مالنا فيك مصلوح = يامنتحل بالفعل شخصية اللوح لا تمتلك قدره ولا تمتلك روح = عايش ولكنّك تقل زول تمثال تمثال لا تنفع ولا فيك نخوه = لو كان لك مع عزوة الناس عزوه مالك مع دروب الوفاء ربع خطوه = مسلسل" في قيد نفسك تسلسال والياء يشين الوقت ثم يتزين = كم قاسيا" عقب القساوه تلين مافيه للاوضاع وضعن معين = ولابد تلقى للصعيبات حلال حلال صعبات الأمور الصعايب = أما من الأجناب والا القرايب الياحظر دايم يفك النشايب = لو المنايا دونه أقفاي واقبال |
|
|
|
|
 |
 |
 |
العرض الشجري