تعال يالصيفي حياك "

الحرب غاره يقتفيها غاره نيرانها دايم تراها حيه =وميدانها لا شك خطر وحامي والمنهزم لا شك يطلـع بـرا
ومن فاز فيها فاز بالصداره والفارس الصنديد يالله حيه=يجي وياقف صاحبي قدامي والمنهزم لا شك يطلـع بـرا

الليل سرى يالصيفي انتظرك والا اسري رد علي

تصبح على خير ومع السلامه

الله ياهو طاروق كايف يا الله تجيب الصيفي ليكتمل الابداع صح الله لسانك ياطوفان وصح الله لسان الصيفي مقدماُ

	المشاركة الأصلية كتبت بواسطة محمد عويض البدراني

	الله ياهو طاروق كايف يا الله تجيب الصيفي ليكتمل الابداع صح الله لسانك ياطوفان وصح الله لسان الصيفي مقدماُ

مرحبا بك يا محمد عويض البدراني

صح بدنك

و على قولك الطاروق ما هو سهل

و عسى الله يقدرنا نجاري المبدع الطفان

لا هنت على حضور المشرِّف

آسف يالطوفان

تو فتحت النت و شفت طلبك

هذا ردي الليله و بكره نكمل:

الحرب تبغى جيوشها الجراره، و جاتك جيوشٍ يا لها من جيَّه= قدام طعن الرمح رمي الرامي، و المنهزم لاشك يطلع برا
و الفوز مضمونٍ لراع الشاره، اللي يدوِّر مثل هذي هيَّه= و جاب الله الطوفان هذا العامي، و المنهزم لا شك يطلع برا

الظاهر أنك ناوي الخساره،خسارةٍ تطلع ميه بالميه=والرمح ماصاب الهدف وأمامي،والمنهزم لاشك يطلع برا
والفوز الي ياصاحبي شطاره،وأنا تراني قايد السريه=بكره بجيك ابيرقي واعلامي،والمنهزم لاشك يطلع برا

مناب انا اخسر لا و لا اخطي الشاره، و اللِّي يبارزني يموت بغيّه= يجيه من يمناي سهم ولامي، و المنهزم لا شك يطلع برا
كلٍّ بدرب الفوز يقرع طاره، حتى لو ان جالسٍ بالفيّه= و لا جا لساعة حسم خار و نامي، و المنهزم لا شك يطلع برا

اللي وفت له مات فايت حاره،مات السحيمي يارجل والعيه=وأحسن لك ابعد قبل أسل حسامي،و المنهـزم لا شـك يطلـع بـرا
والفوز ينخاني وأنا في ثاره،نويت حسم المعركه جبريه=واجب عليه حسمها وإلزامي،و المنهزم لا شك يطلع بـرا

منتب مثل صياف و الا جاره، و بالشعر حاشا ما سكنت بحيِّه= وانا زرارك لين تارد ظامي، و المنهزم لا شك يطلع برا
و الفوز ما يمشي لمثلك كارِه، و المعركه قدني حسمته ليَّه= منت احمد الناصر و لا انت زلامي، و المنهزم لا شك يطلع برا