من شافها كنه من البيض ماشاف

الله من عصر الخميس اللذي طاف = والشمس متجهه لصوب الغروبي
الشمس تغرق والبحر ثوب شفاف = في غرب جده شفت منظر عجوبي
واحلى من المنظر ترى سيد الاتراف = ياشمس غيبي من جبينه وذوبي
شالت غطاها وبعثرت كل الاوصاف = عين بدويه والشفايف لروبي
والخد عمله نادره دون صراف = المع من الالماس ودر الحلوبي
الورد يخجل من هواها وينعاف = والبحر الاحمر لو تطبه يروبي
من شافها كنه من البيض ماشاف = راحت حياته مع غريب الدروبي
من فوق جيبن مشترينه بالالاف = من الوكاله سالم من العيوبي
معودينه للسفر حول الارياف = ومدلعين الزين في كل صوبي
وبحق من انزل تبارك والاعراف = لولا الملامه صارت اخر ذنوبي

ههههههههههههههههههههههه
ويش اللي موديك جده تارك الجامعه
ورايح تمشى عند النافوره الخميس رايح اعلم ابوك
اخليه يجازيك تسرح بالبل لمدة سبوع حتى تنسى جده كلها
صح لسانك تمنياتي لك بالتوفيق والنجاح

الله الله الله
صح لسانك وبيض الله وجهك
ننظر جديدك وغزلية رائعة

	المشاركة الأصلية كتبت بواسطة سعد المحمدي

	ههههههههههههههههههههههه ويش اللي موديك جده تارك الجامعه ورايح تمشى عند النافوره الخميس رايح اعلم ابوك اخليه يجازيك تسرح بالبل لمدة سبوع حتى تنسى جده كلها صح لسانك تمنياتي لك بالتوفيق والنجاح

حي الله هالطله عسى الضحكه ماتفارقك لاتعلم علينا ترى الحمض ماينقرب الحين درجة الحراره تحت الصفر ذبحنا البرد
مرورك شرف للقصيده يابن عمي تحياتي وتقديري

اييييه يا جدة وش سويتي بعبد الله
ما ذبحني غير بحر جدة ويا سلامي على من سكن فيها

صح السانك وبيض الله وجهك

واسمع كلام ابو تركي

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

الاخ العزيز

والشاعر القدير

راعي الطويسه صح لساااانك على القصيده الرااائعه

و طيع شور ابو تركي ولاعاد تروح لجده

صح لسانك مره اخرى ولاهنت

وفيت ولاهفيت وصح لسانك وبيض الله وجهك
كسرة تعبر عن نفسها

	المشاركة الأصلية كتبت بواسطة العطيب

	اييييه يا جدة وش سويتي بعبد الله ما ذبحني غير بحر جدة ويا سلامي على من سكن فيها صح السانك وبيض الله وجهك واسمع كلام ابو تركي

العطيب صح بدنك يالغالي ولاهنت على المرور المشرف وابو تركي شايب لو نبي نطيعه عشنا ماشفنا شي