مـصـافـحه أولـى... لــ عـبدالعـزيـز الـحربـي.

السلام عليكم ورحمة الله وبركاته
مصافحه اولى . واتمنى ان تنال على رضاكم.

خذيت لي في ربيع العمر معلومه=تبقى مع الراس لو طالت خطاويها
كن الزمن يوم واستخرجت من يومه=الناس ماكل كلمة طيب ترضيها
لو جبت شمس وقمر والكون ونجومه=مايملي عيونهم حاجه تسويها
تخدم وودك بكلمة ناس مخدومه=وتكحل وتسمع علام العين يعميها
لكن لاسويت شيٍ وأخطت سهومه=لاتنتظر شكر والكلمه تلاقيها
بعض العرب بالعرب ماتعرف إش قومه=طلبته عاداه كانه مايلبيها
لو كان عاجز وضعه بصفة خصومه=أما يلبي طلبهم يا يعااديها
النفس تطغي اذا ماهيب ملطومه=والأدمي اصعب الحاجات يبغيها
من يوم ربي خلقه وبانت حلومه=إتزيد لو كان في كل ليل ينهيها
لكن ليا نام لاتيقضه من نومه=إبنومه اصعب حلوم الليل يقضيها
يوم الردي همه بكشخته وهدومه=اهمومنا بالذي لامر طاريها
تسمع هلا مرحبا بالذكر وقدومه=ربعٍ على الطايلات يسيل واديها
المدح لاحان وقته وابدت غيومه=تمطر عليهم بكورٍ من ماشيها
ماهم من الكلمه الزينه بمحرومه=لو كان تكفي عن الأمداح اساميها
نتعب على الطيب وإنباريه وانسومه=والكلمه الطيبه بالطيب نشريها
بحر المراجل شربنا منه ونعومه=واللي ضما من عباد الله نسقيها
ولا الردى بالردى ماندفع ارسومه=كذا مع الناس لو ضاعت مباديها
مانشتكي من ضروف الوقت وسمومه=نصبر على الكايده ويبان خافيها
واللي بلاه الولي في كثرة همومه=يبعد عن الخلق والشكوه مايشكيها
تبقى بوسط الصدر والقلب مكتومه=إلين منهو وضعاابه يسريها
الرجل وش فايدته ان ضاعت سلومه=مايجرح الناس ولا مايداويها
لاينقبل زوله ولاينقبل لومه=وإليا إنذكر عند قوم اتصك آذانيها
كلٍ على مايقدم جاه مقسومه=والطيبه دايمٍ من حظ راعيها
وياقضاي ياللي ثلاث ايام باصومه=بقضيك لكن بقى سجده بصليها
! لاشفت مشراف طيب وجيت بارومه=قامت عباد الإله تحط رجليها!

وسلامتكم

الله الله
صح الله لسانك يالغالي
قصيده جزله من رجال جزل
لاهنت يالغالي ولا تحرمنا من جديدك
تقبل مروري بود

صح لسانك وعلا شانك

والله يعطيك العافيه على القصيده الجزله

بيض الله وجهك

وهلا وغلا فيك بين ربعك واخوانك

تحياتي

صح لسانك مليون
بيض الله وجهك
وهلاوغلا فيك

حضور راقي ومصافحه رائعه
قصيدة كلها عذوبه وجزاله
تدل على جزالة قائلها

تحياتي

صح الله لسااانك وقلبك

مبدع لله درك

دمت بوود

حكمة وجزالة ..


صح لسانك

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

	المشاركة الأصلية كتبت بواسطة البلادي الحربي

	الله الله صح الله لسانك يالغالي قصيده جزله من رجال جزل لاهنت يالغالي ولا تحرمنا من جديدك تقبل مروري بود

صح بدنك ولاانت


ابشر بالجديد


شاكرلك المرور اخوي البلادي

	المشاركة الأصلية كتبت بواسطة ابوروان النويمي

	صح لسانك وعلا شانك والله يعطيك العافيه على القصيده الجزله بيض الله وجهك وهلا وغلا فيك بين ربعك واخوانك تحياتي

ابو رواان النويمي


صح بدنك وشاانك . والله يعاافيك . ووجهك ابيض



شاكرلك المرور اللي منور القصيده