المعــــــــــــــــــــــــــــــــــــــــــــــ ــــــــــــــــــذره

يعني بعد هــــــــــــــذا خلاص بْكل بساطه واشكره = وشلون تنهيها وانــــا ما كنت ابَسدل هالستار
لا لا تقول المعذره الأمر ما هو معـــــــــــــــــــــــــــذره = الأمر اكبر من معاناة وْأسى أو إنكســــــــــــــــــــــــار
الأمر خيبه للأمل ما عشت يــــــــــــــومٍ أحذره = ولا كنت اظن اني اعيشه وانصــــدم به باعتذار
ولا كنت أتوقع تجي وتحطمه وتبعثــــــــــــــــــــــره = هالخافق اللي طفت فيه وْصار لك شمس ومدار
والكلمه اللي قلتها ما هي شعـــــــــــــور وْتكسره = الكلمه آخر نبض لاحساس المشاعــــــــــر باختصار
لو مقصدك قلبي تعال مـــــــــــــــــا أبيك تدثّره = إفنيه هِدَّه سوِّ به ما تشتهـــــــــــــــــــي وِالكَ الخيار
عاديه خله هو خصيـــــــــــــــمك واستبيحه وانحره = ناديه واغدر به وِخونه وْذوقه طعــــــــــــــــــــــــــــم المرار
خله وطن ياخــــــــــــي وبيده وان قدرت استعمره = حطم به اجمل ما ترى واغرس به راية الانتصــــــار
إستعبده واظلــــــــم وسبّـــه وان عصاك استحقره = خله غلامٍ من عبيدك لو ندهته بْضيــــــــــــــــق ثار
واوعدك يبقى مثل منته قبل هذا تخبــــــــــــــــره = مغليك ومعظم وجودك ما يبــــــــــــــــــــي رد اعتبار
واعتب عليّ ان قلتلك في وقتها لا تكــــدّره = يا صاحبي قلبي مع التجريـــــــــح والضيقه ضِرار
لكن دخيلك لا تقول المعذره وتمرمـــــــــــــــــــــره = ما تدري ان الكلمه سكــــــــــــــــره للمنيّه واحتضار
والله لو بيدي وهبتك كل عمــــــــــــري واخسره = بس انتبه لا تطري الفرقــــــــــــــى وتودعني بنار
ووالله لو كان الثمن صـــــــــــــــدك تراي اصبره = واضحِّكه وابكي عليه الفيــــــــــــــــــن مره بالنهار
واسقيه من بــــــــــــــــــــــحر الولا شربة وفا واخدّره = واعوده تبقى ضنينه لا هــــــــــو عيب وْلا هو عار
العشره ما هانت علي ولا النهايه مدَبَّــــــــــره = هذا جزا المعروف تنكِــــــــــــرْه الضماير في قرار
قدمت له قلبي رهينه موجِّبــــــــــــــــــــــــه ومقدِّره = وارخصت له ما كــان غالي وْغير كل الناس صار
قد كان سري اللي الى يـــــــــــــوم القيامه أستره = وكان همـــــــــــي كل وقتي كيــــف احبه باصطبار
وكيف اعلّمْه ان ذخــــــــــــرني للمحبه اذخره = وكيف اراضيه ان زعل واثيره ابْصمت وْوقار
وكيف اذا ابطيــــــــــــت عنه استمح واخبّره = وكيف اذا اخطيـت مـــــــره اعتذر له وْلا يثار
وكيف اضمّه في ضلوعي والضلوع معمّــــــــــــــره = بِـحْروف إسمه واتخذت ارْضــــاه عـني دوم كــــــار
هذا جزا قلبٍ نذر لك كل حسّه تـــــــــــــــنكره = ما قد جنى ذاك المسافر من مســــيرَهْ الا الغبـــــار
قالو زمان احذر خويِّك لا يغــــــــــــــــــــــرك معشره = وان الغدر بحــــر وْترى من دون قاع وْلا قـــــــــرار
وش جاك عقب اللي جمعته من فؤادي تنثره =امْن البدايه كان يسوى لو تقول الطــــــــــــــــير طار
والصاحب اللي ما تصـــــونه يا أخي لا تْجرجره = الله عظيم وْدنيتك قفـــــــــــــــــــــــــرا تواليها دمار

جريـــــــــــــــــــــــــــــــــر
للتحميل 2 ميجا
http://www.herosh.com/download/25027...56789.mp3.html

صح لسانك مليون على القصيده
والله يـعـطـيـك الـعـافيـــــــــــة وياليت تعرفنا عليك اما في ملتقى المتابعه او في الموضوع نفسة
بيض الله وجهك

بيض الله وجهك وصح السانك ياخوي جرير

تقبل مروري وتقديري

جزل وشعرك جزل تسلم ولاهنت

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة وياليت تعرفنا عليك اما في ملتقى المتابعه او في الموضوع نفسة بيض الله وجهك

مشكوووووووووووووووووووووووور اخي الكريم وانا اخوك في الله

	المشاركة الأصلية كتبت بواسطة صقر الجزيره

	بيض الله وجهك وصح السانك ياخوي جرير تقبل مروري وتقديري

وجهك ابيض


مشكوووووووووووووووووووووووور

	المشاركة الأصلية كتبت بواسطة شاعر مخلف

	جزل وشعرك جزل تسلم ولاهنت

مرورك الجزل اخي الكريم


شكرا لك

بيض الله وجهك وصح السانك ياخوي جرير

	المشاركة الأصلية كتبت بواسطة بخيتان البشري

	بيض الله وجهك وصح السانك ياخوي جرير

وجهك ابيض اخي الكريم



مشكور

صح لسانك مليون على القصيده

والله يـعـطـيـك الـعـافيـــــــــــة

اخي الشاعر من حقك بقاءك بالاسم المستعار وتواصلك مع الاداره

لكي نستطيع توفير كل ماتحتاجه من الملتقى ونحن هنا لخدمتكم ونتشرف بكم

تحياتي لك