بعد زان الملتقى جيت أبا أرد السلام ؛؛؛؛؛؛؛؛؛

يا سلام الله سلاما يعم الطيبين = بعد زان الملتقى جيت أبا أرد السلام
من قرا الموضوع يقلط وحنّا حاضرين = والمواقف ما لها إلّا جويدين الحزام

الشاعر حفيد الحجيري صح لسانك على المبدا الجزل فقدناك والحمد الله على السلامه
الشاعر بدر شطيط صح الله لسانك على الرد الجزل ولكم متابعين

ابو عويض الشاعر الجزل حياك الله وصح بدنك والمعذره على مقاطعت متابعتك المشرفه اترك المجال لك ولغيرك بالرد

اخي حفيد حياك الله وسعيد بعودتك بعد الغيبه واشتقنا لك وللعب معك
رديت عليك لكن حذفت ردي لانتضاري لك وقت طويل والغايب حجته معه
وارجو المعذره لانشغالي بالدراسه والا كملتها فتركت المجال لغيري لكي
لا اضعك في احراج معي ولا اضع نفسي في احراج معك تقبل وافر احترامي وتقديري

	المشاركة الأصلية كتبت بواسطة محمد عويض البدراني

	الشاعر حفيد الحجيري صح لسانك على المبدا الجزل فقدناك والحمد الله على السلامه الشاعر بدر شطيط صح الله لسانك على الرد الجزل ولكم متابعين

صح بدنك يا محمد
الله يسلمك ويعطيك العافيه

	المشاركة الأصلية كتبت بواسطة بدر بن شطيط الحربي

	اخي حفيد حياك الله وسعيد بعودتك بعد الغيبه واشتقنا لك وللعب معك رديت عليك لكن حذفت ردي لانتضاري لك وقت طويل والغايب حجته معه وارجو المعذره لانشغالي بالدراسه والا كملتها فتركت المجال لغيري لكي لا اضعك في احراج معي ولا اضع نفسي في احراج معك تقبل وافر احترامي وتقديري

الله يبقيك يا بدر
احنا اسعد بشرواك من الرياجيل
معذور يا بدر وما حصل منك الا التكميل يا ولد العم
انا نزلت المشاركه وانتظرت ولم اجد ردا وقفلت اللاب توب وتوي ادخل واشوف المشاركات ،،،،،،،،،،،
لك كل الاحترام يابن العم والله يوفقك في دراستك ويعطيك العافيه

مرحبا ترحيبتا" ماتطيب ولاتزين = لين تلقى اللي لها عد ماينشى الغمام
جيت للموضوع واقلط مقاليط الفطين = والمواقف عند اهلها عزيزين المقام

البقا عداد من سلّ سيفه في حنين = بالرجال اللي لها عندنا كل احترام
واحد وواحد ليا من جمعناها ثنين = احسب الحسبات قبل النهايه والختام

الرجال اللي تسد اللوازم ماتبين = لين وقت الازمه ماتلوم ولا تلام
جعل يلحقهن ثلاثه وتصفق فاليدين = لو بروق الوسم تلمع ويحداها العسام

صحت السنتكم شعرائنا المبدعين حفيد الحجيري وبدر بن شطيط العريمي لاهنتو على الطاروق الجزل والمتميز من الطرفين وهذا ماتعودنا عليه منكم ولاهو غريب عليكم بيض الله وجيهكم واصلو والصفوق حاضره والنار حيه