~~~ميثاق~~~

السلام عليكم ورحمة الله وبركاته







"





"

سار الامل ميثاق مبني على عهود=مستبشر الخاطر ومرتاح بالي
اسرح بفكري يوم عديت انا حدود=معذور ومسامح وفكري هنالي
هايم بأرض العشق بالحب موعود=هرج وحكي ومزوح جوه صفالي
نزعل ونعتب بين ضيقه ومنقود=والكل منا في صفاته مثالي
لامسته ضره انا كون موجود=وان ضاق صدري يبتسم لي قبالي
الكل يبغى الطيب معطى ومردود=متوالفين فجو فوق الجبالي
اشوف انا في بسمته زهر وورود=يشفي عليل الروح لامن طرالي
قايد على الغزلان بالزين موقود=ياما سعى لجلي وياما وفالي
انا اشهد انه مخلص ومخلصاً زود=مشي النقى والصدق والله عنالي
فيه الظهر مشدود والعلم موكود=شهم وكريم وكلمته فالعلالي
لاصعبت احوالي ولا سرت مقهود=وضاقت بي الدنيا وجرحي قوالي
ياقف معي بصراربالطيبه يسود=يشفي جروح القلب يرتاح بالي
نكمل بعضنا نبني بكل مجهود=ساس السعاده يم درب الوصالي
نقضي سهارا الليل فركوع وسجود=نطلب من الله جماع درب الحلالي

"





"





العقيد

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك

أبيات غاية في الجمال والروعة

صح الله لسانك
ولاهنت
وسلم فكرك وبنانك
دمت برعاية الله وحفظة

الله عليك ياعقيد الخيل


وقصيده رائعه وجزله من راعيها

وصح لسانك مليووووووووووووون

وبيض الله وجهك