يمّه عسى الله يحفظك حافظ البيـــــت

يمّه عسى الله يحفظك حافظ البيـــــت = الواحد المعبود علام الاســــرار
اذا طريتي لي من النوم فزيّــــــــــت = افز كنّي داخلي واهــج النـــــــّار
ياكم لنومك يا غلا الروح قزيّـــــت = وياكم سهرتي والمخاليق غتـــــار
يدّك عليّ وتكثرين التناهيــــــــــت = ودموع عينك فوق خديّك نثـــــــار
مهماعملت وقلت وأقبلت وأقفيـــــت= والله لا يمكــــن اوفيك مقــــــــــدار
مقدارك انتي مرتفع فوق عليّــــــت = وعلاه ربي عالمٍ كل الاقـــــــــدار
ورسولناوصى على الام وأرضيــــــت = وصى عليها وكرر الاسم تكرار
الواجب ادعي كل ما اصبحت وامسيت= وادعي في ظهر الغيب لك سر وجهار
وادعي ليامني للفروض صليـــــــــت = يسعد لك ايامك مع الناس الاطهار
انتي هناي ومنويتي اذا تمنيـــــــت = الله يجنبك الحواسد والاشــــــــــرار
الله يخليني اذا اني تخليـــــــــت = عن واجبك يا شمعت البيت والــــدار

الشاعر /عبدالمطلوب مبارك البدراني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر ابو ناصر الله يبيض وجهك على القصيده التي ان شاء الله توجر عليها
الله يعطيك رضى الوالدين ويبيض وجهك

شاعرنا الكبير عبدالمطلوب البدراني بيض الله وجهك وحفظها الله لك

الاخ الغالي الحب الباقي سعدت جدا بمرورك

ألف شكر

الأخ عبدالمطلوب مبارك البدراني

بيض الله وجهك وصح السانك ابداع رائع ونسأل الله ان يمتعها بالصحة والعافيه

ودمت اخي ودام ابداعك

تقبل تحياتي