محاوره بين الشاعرناصرعياضه والشاعر صياف الحربي

ناصرعياضه
سلام يا اهل الحفله الله يمسيكم على خير...وضيوفكم والشاعر اللي من الارض النقيه
صياف قبل العام راع الشعل راع المغاتير...واليوم لا حام التوالي ولا راع الرعيه
صياف الحربي
يامرحبا ترحيبتن توها طلعت من البير...وللي غسل يمناه يقدر يسوق الشاذ ليه
ان كان بجنوبك جناحين خضرا طير يا طير...والصبح تلقى شبت النارفي هضبة طميه
ناصر عياضه
لومي عليكم كلكم ياجماعة سالم الزير...مافيكم اللي قرب البن يوم النار حيه
دارة عليكم والليالي مقابيلن مدابير...وقت يخل ابن السحيمي يغمض عن خويه
صياف الحربي
عيال نجد اهل الشرف ينفخون النار وتثير...كلن يقول انفخ على النار وحرك شويه
ان كان تبغا الصدق كثرة على الزرع العصافير...الله يظلم من ظلم بالعرب نفسن بريه
ناصر عياضه
عليك بشت ضافيه بالمحافل والمسايير...ويتيمتك عريانتن برمضان والضحيه
ماني مدور مالكم يامجعت الدنانير...وش قال قيس ابن الملوح بليلى العامريه
صياف الحربي
إلى احتزمت انته تراى احتزم للقوم وغير...والله ماخلي من عربهم كثير ولابليه
ترى الزمان الزين ياهيه يظهر له تباشير...الله وكبر ليتها مثلها هاك السنيه

مشكور على النقل الرائع والجزل

الله يرحم شاعر الخليج / صياف الحربي ويسكنه جنات النعيم

بيض الله وجهكـ

.

.

الله يـعـطـيـك الـعـافيـــــــــــة
بيض الله وجهك