ابوعلي و( الماال )

يالمال عذبتني واتعبتني عند ايش يالمال= يالمال لولاك ما ملت البحور الدودمية
انا احسبنك تساعدني على كفات الاحوال = ولينك ابليتني يالمال بلواتك قوية
يالمال فيك المشاكل والمشاكل تشغل البال = ويالمال سبتك ثلثين العرب عدوان لية
ويالمال لجلك مشينا مع دروب اقصار وطوال = ويالمال راعيك مايرتاح دام النفس حية
ويالمال ياما سهرنا من سببك ايام وليال = نحسب حساب الحديد اللي معة عشرين نية
ويالمال لاشافك الطماع فالاقفا والاقبال = ايلد فيك النظر يالمال ثم تلد فية
ويالمال فالوقت الاول لو يجي ستين محتال = ندير عنك الزيادة باليمين اللي جرية
ويالمال هذي السنين اللي علينا فيها مال = والمشتكي يشتكي ونت تجاوب للشكية
ويالمال حاولت لين ازريت وليا ماش محوال = ماغير روح وتعالولا ينهون القضية
ويالمال ماكل منه قال انا خيال خيال = ولا كل واحد يعرف اللي صواب من الخطية
المال قال انت وشبك ياجويد الجد والخال = المال عزك ليا جات الليالي اللي قسية
اللي بلا مال لو رجال قالو منت رجال = لحية بلا مال ماتساوي كثير ولا بلية
المال راعية يلبس له ثياب وبشت وعقال = والمال ياخذ ويعطي صيرفي للصيرفية
والمال كلن يبيه ويدرق في ناس عقال = وانا ادرق فيك والراعي مكلف بالرعية

الله يعطيك العافيه


وبيض الله وجهك على النقل

صح لسان ابو على وشاعر كبير

الله يعطيه العافيه وطولة العمر

مشكور على النقل بارك الله فيك