ياحمود حامد درهمت بي ذلولي

هذه القصيده ارسلها الي الشاعر الكبير علي غلاب الجابري

ياحمود حامد درهمت بي ذلولي=و أزرت يديه لا تجود رسنها
ماعاد اميز بين عرضي وطولي=عقب اطرحتني غصب ملت عنها
اقفت وخلتني ولاهيب حولي= ابعد علي من شامها عن يمنها
وقامت هواجيسي تصول وتجولي= وهموم بقعا فتحت لي حفنها
عمست بي الارياء وضاع محصولي=اللي كسبته يابن الاجواد منها
و انكر جميلي كل خبلٍ فضولي=اللي يهرج بهرجةٍ ماوزنها
يركض بظلي وتقضب الرجولي=وانا ليا جت غلطته شمت عنها
واليوم ابسمع منك كل الحلولي=عساك تاجد حلها عن عن عفنها

ردي على قصيدة الشاعر علي غلاب

يامرحبا بأهل الوفاء والفعولي=ترحيبةٍ ماتمحي في زمنها
تبقى على مر الزمن ماتزولي=بالعز والنوماس سر وعلنها
حي الرسالة من وسيع القبولي=اللي على قدر ومعزه وزنها
يشكيلي الأحوال واللي بدولي=إن الوفاء عند النشاما سكنها
والعمر يمشي والليالي تطولي=وكلن حياته بالزمن ماضمنها
وياعلي هرج الناس ذولى وذولي=خلت ذلولك ماتجود صفنها
ولوكان حبل العلم حبل إمعقولي=ماروحت من شامها لا عدنها
ولو نتبع الجرة على ماتقولي=هبت علينا الريح حتى دفنها
نبلشبها لكن وضع أمحلولي=يوم الصبر مفتاحها اللي ومنها
الحر يرقى مايجي بالنزولي=يرقى بروس النايفه عن طمنها
ولا الردى بالوقت طبع الخبولي=عله مع الدم تنتشر في بدنها
في عرفهم ضاع الوفاء والأصولي=اللي عن دروب الرديين تنها
ولايجهل المعروف غير الجهولي=في هرجته لامن هرج ماثمنها
عرفه عن دروب النشاما يحولي=والهافيه لامن بدت صد عنها
وسبحان من فرق مابين العقولي=والسالفه ماني مفتش خبنها
وختامها بالصبر حل إمعقولي=فبداية الموضوع ولا بالأنها

حمود الجابري

صح لسانك
ولسان زميلك
جزلة من راس جزل

تقديري واحترامي

دمت بخير

صح لسانك و صح لسان الشاعر/ علي بن غلاب

و بانتظار جديدك

صح السنتكم

والا هنتو

قصايد وافيه


ومعانيها جزله

عيسى العوفي

صح بدنك ويشرفني مرورك

حميدان العوفي

صح بدنك ويشرفني مرورك

صح لسانك ولسان الشاعر علي

صوت وصدا ولا اروع

بيض الله وجيهكم جميعاً

تقبل شكري وتقديري

عبدالله الحنيني


هلا وغلا فيك

وصح بدنك

صح لسان الشاعر علي غلاب..وصح لسانك يابو حامد...مساجلة استمتعنا بها ..واستطعت أن تصل إلى الذائقة الشعرية لدي..أشكرك بما نقلت...

علي هليل الحربي


هلا وغلا فيك وصح بدنك شرفتني مرورك