اللغز(290) انا الذي شفتها بالعين 0==محلول==الفلوس من عبدالله بن عتيق الحنيني 0

اللغز من الغاز الشاعر حمدان بن عطيه بن حمدان البشري 0 من الشعراء المتميزين في الكسرات والقصائد والزواميل والالغاز وتعلم واستفاد منه الكثير من الشعراء 0

وش بنت تمشي بلا رجلين=تمشي مع الناس محبوبه
تقفي وتقبل لها وجهين=ياحظ من حولت صوبه
فالعمر زادت عن العشرين=ومازاد فالعمر فرحوبه
انا الذي شفتها بالعين=تدخل مع الرجل في ثوبه

	المشاركة الأصلية كتبت بواسطة خالداللهيبي

	اللغز من الغاز الشاعر حمدان بن عطيه بن حمدان البشري 0 من الشعراء المتميزين في الكسرات والقصائد والزواميل والالغاز وتعلم واستفاد منه الكثير من الشعراء 0 وش بنت تمشي بلا رجلين=تمشي مع الناس محبوبه تقفي وتقبل لها وجهين=ياحظ من حولت صوبه فالعمر زادت عن العشرين=ومازاد فالعمر فرحوبه انا الذي شفتها بالعين=تدخل مع الرجل في ثوبه

حياك الله ياخالد وصح لسان الشاعر حمدان البشري

وكان ماهي العافية الله لايحرمكياها
يمكن اللحية لا

عبدالله الفريدي يامرحبابك


العافيه مالك لوا واللحيه مالك لوا

مشكور اخوي خالد على هاللغز المليان
وانا رمعتي ممكن تكون الغتره او العمامه

حياك الله ابا احمد وحي ما جبت واختيار موفق في هذا اللغز الطيب

وصح لسان حمدان البشري على هذا اللغز

الله يعطيك العافيه

يامرحبابك يابو عادل الله يبقيك ويبارك فيك ومشكور على مرورك

قارئة الفنجان حياك الله

العمامه الغتره الشماغ والطاقيه

مالك لوا

حياك اخوي خالد اللهيبي
وستلم المرماع حسب اجتهادي
والله يحييك ويحيي حمدان البشري

صح السنتكم سوا يا ثنين=ياثنين من ناس محسوبه
مملك من الغز غير الفين=وحواشة القرش بلشوبه
حضيض من يسلم من الدين=تجار الاموال منكوبه
لو اهل الماده غالين=وكم تاجرن كفر اذنوبه

	المشاركة الأصلية كتبت بواسطة عبدالله عتيق الحنيني

	حياك اخوي خالد اللهيبي وستلم المرماع حسب اجتهادي والله يحييك ويحيي حمدان البشري صح السنتكم سوا يا ثنين=ياثنين من ناس محسوبه مملك من الغز غير الفين=وحواشة القرش بلشوبه حضيض من يسلم من الدين=تجار الاموال منكوبه لو اهل الماده غالين=وكم تاجرن كفر اذنوبه

الشاعر عبدالله بن عتيق الحنيني

بيض الله وجهك ورمعتك صايبه وهي الفلوس

يابن عتيق هلا واهلين =واللغز وفيت ماجوبه
غالي ومن ربعة غالين =متميز بدقة اسلوبه
رمي الهدف صاب بالتعيين=هذى شهاده ومكتوبه
بكتب على صفحته ذالحين=(محلول )لاحد يجي صوبه