من قصائد الشاعر الكبير جزاء بن صالح الحربي

هذه القصيده للشاعر جزاء بن صالح المزيني قالها عندما مر علي عد ربعه الذي كان في ماضي الزمان يقطنونه الباديه واليوم لاحد يقطنه فتمثل الشاعر جزاء بهذه القصيده التي يصور فيهاالموضوع غاية التصوير الجميل فإلى القصيده.

ياعد وين أهل البيوت المداويح=اللي منازلهم جناب الشعيبي
واهل الجهام اللي طياحه مواضيح=ماكن جولك من بعيد وقريبي
ومن نزلهم خالي جنابك صحاصيح=بس الفجوج الخاليه والقليبي
ولاشفت فيك إلا الحصا والصلافيح=وبعض الجواد اللي رسمهاالعزيبي
وشوف الهضاب المظلمات اللحاليح=مافيهن إلا الذيب يقنب قنيبي
تأخذبهن هوج الهبايب تلافيح=ماغير رسمن بالطويل الجذيبي
رسمن يشيب بالقلوب المجاريح=قلوبن علي الغالين تنحب نحيبي
قلوبن من الفرقا حدتهاالسواميح=واشعل بها حر المفارق لهيبي
تبكي على شوف الرجال الزحازيح=ويبكي عليهم كل قلبن لبيبي
ومن عقبهم ياعد مابك مرابيح=عسى صواعيق البرد لك تصيبي
وعسى السحاب اللي مزونه ملاويح=تدمرجنابك لين تذهب ذهيبي
لاشك أنا أبسألك من قبل لابيح=وأبي الصراحه في سؤالي تجيبي
عطني خبر عن مبعدين المشاويح=أظن قلبي يستريح ويطيبي
أسألك وين أهل الوجيه المفاليح=ذوي نحيت منزحين الحريبي
عصم الشوارب مشبعين المشافيح=ربعن على كل اللوازم تطيبي
ذباحتن للظيف حيلن مفاطيح=ويرمون من فوق الشتال العصيبي
ويوم السنين الماضيه والشلافيح=أمشرعين أبيوتهم للغريبي
عصمان الأريامبعدين المصابيح=على المهار ملافحات السبيبي
وياما شكن من خيلهم كنس الفيح=وياما ثنوهن للكسير العطيبي
وعند الملاقا للمجوخ ذوابيح=بحدبن لغاها بالملاقا رهيبي
وديبهم لاشك مالي مروايح=ظروفي صعيبه والزمن منتحيبي
ولوينرجع مافات بالصوت لاصيح=لاشك أنا أدري مال صوتي مجيبي
وأقفت بي الأيام عنهم مدابيح=وياعل ماهو من قرادة نصيبي
وتلعب بنا الأيام لعب المسابيح=ومن جورهن قلب المفكر يشيبي
وعلمي بشوفتهم وأنا أقوم وأطيح=سني صغير ولاعرفت المصيبي
ولوكان دمع العين للخافق يريح=لهل دمعي لويصل حد جيبي
وياطير يااللي بالهواء تتبع الريح=بالله وصل لي سلام الاديبي
وأن سايلو عن حالتي بالتباريح=عطهم خبر قبل الليال أتغديبي
وليا نشدوك وشفت منهم تلاميح=عسى الخبر من يمهم لي تجيبي
==================================================

قال جزاء بن صالح هذه المرثية في فقيد حرب الكبير سبيل بن سند رحمه الله

والله يالولا الصبر والامل والظن=بالله يبدل سيتي بحسناتي
ودلال رسلان بها الهيل والبن=تحوفهن يمناي ومكرماتي
من حبهن ليه تقول يتحاكن=ومن حبهن عندي تطول سهراتي
لياادبح بهيم الليل وهجوسنا جن=فنجالهن يبرد لهيب نهتاتي
لاون ونة من بعود القنا طعن=بمشيشل من كف شبل زناتي
واني لاشرّح مقدم الثوب وانجن=وقدام خلق الله لافجر سكاتي
على رجال يوم فيها اتفطن=لابصرت فيهم عفت تالي حياتي
لهم وقار داخل القلب يسكن=والصبر عنهم صار من معجزاتي
اقفوا وخلوني وانا صغير السن=واخذت منهم طيبات الصفاتي
ومن قال للموروث علم يسكّن=مافادني بيض الورق والدواتي
اجهش فوادي والعيون يتباكن=وهليت من دمعي غزير عبراتي
وليا صفا راسي وقلبي تطمن=قلت المقافي مايجن راحعاتي
وانا ادري ان ايامهم مايردن=هيهات ترجع ماضي المقفياتي
ولولاي ازور ديارهم واتوطن=واشرف عليهم بطايل النايفاتي
واشم ريح ديارهم واتفطن=وادله واعيش بماضي الذكرياتي
لاشك عبثات الليالي يصيبن=ويخلن الرجال فكره شتاتي
وقبل امس جات اخبارهن مايسرن=اخبار فيها طابع المفجعات
غديت مثل اللي خطف عقله الجن=واصبح يهوبي مع هوى الذارياتي
على رفيق بالوفا مايتهاون=صنديد ماهو من رجال الشماتي
وسيف من الفولاذ ماهوب معدن=من ابتع خيار سيوفنا المرهفاتي
سبيل بن سند لياله تقافن=واضيقتي من غيبته وافجاتي
وش عاد لو قلبي تكدر وحزن=حكم المنايا بالبشر صايباتي
سنة عزيز الشان والله لها سن=من جاه يومه مابقى له حياتي
كد قالها صالح وانا اقول صابن=سر الامور اسبابها المحدثاتي
والادمي لو فيه الايام طالن=لابد ماتركز عليه الحصاتي
ولو كان من يبكي دموعه يفيدن=ياما بكينا مطوعين العصاتي
فهود الزراج مطوعة كل مفتن=الى جا نهار فيه مثل الجناتي
الى جت كراديس السبايا ولحقن=ولحقوا عليهن ميتمين البناتي
بيدينهم شلف وطرم تلظن=صنعن من الفولاذ ومشرفاتي
ليا وردوهن لاحمر الموت شربن=وان صدرن جن غيرهن وراداتي
وشعارهم وفعولهم مايهزن=وتاريخ وفعول عليها الثباتي
وشعر بليا افعال وامجاد يمهن=مافيه لاحكمة ولابه حلاتي

[/color][/size][/center]

صحـ لسسسسسآنك يآبن حنتوشـ ولسسسسسآن جزاء صآلح

قصآئد ششششآمخهـ لاتسسسستغرب من شآعرهآ


اللهـ لايهينكـ يالغاليـ

صح لسان الشاعر الكبير/ جزاء بن صالح المزيني
وبيض الله وجهك يابن حنتوش لجهودك
ولاتحرمنا من قصائد شاعرنا الكبير ..

عاشق المراجل
كلاشنكوف حرب
الله لايهينكم وشكرا على مرروكم

الاخ بن حنتوش الله يبيض وجهك وصح لسان شاعرنا العملاق جزاء بن صالح المزيني
الله بهذا الشهر الشريف يرحم ويغفر لشاعر سبيل بن سند ويدخله فصيح جناته

	المشاركة الأصلية كتبت بواسطة سعد المحمدي

	الاخ بن حنتوش الله يبيض وجهك وصح لسان شاعرنا العملاق جزاء بن صالح المزيني الله بهذا الشهر الشريف يرحم ويغفر لشاعر سبيل بن سند ويدخله فصيح جناته

استاذي سعد المحمدي
بيض الله وجهك ياوجه السعد ورحم الله والدينا ووالديك والمسلمين اجمعين
شكرا على مرورك

صح لسان الشاعر الكبير/ جزاء بن صالح


صاحب الصوت الضخم والحرف المتألق


طاب منقولك

ابن العم حمود الغيداني
اشكرك على مرورك المشرف وتشجيعك لنا
تقبل تحيات بن حنتوش المزيني

صح لسان الشاعر الكبير/ جزاء بن صالح المزيني
وبيض الله وجهك يابن حنتوش لجهودك
ولاتحرمنا من قصائد شاعرنا الكبير ..

صح لسانك ولسان الشاعر الكبير/

جزاء بن صالح المزيني

وبيض الله وجهك يابن حنتوش لجهودك

ولاتحرمنا من قصائد شاعرنا الكبير ..

لك فائق احترامي