اللغز (106).... اللغز اللي وصوفه مفجعه0علموني بأسمه=محلول= الثقب الاسودمن بيان الصمت0

كثرت الاهوال والدنيا كفى الله شرها=وانظروا ذاك الدليل اللي وصوفه مفجعه
ماعرفنا ديرته وش بردها من حرها=الاكيد ان الذي يقرب محله يبلعه=
ولا عرفنا عيشته وش حلوها من مرها=بس الارض اليابسه وبحورها ماتشبعه
كم خلايق قربت له جوف بطنه جرها=ولا علم عن ما فبطنه غير من هو مبدعه

وش هو

صح السانك يابوسعود عندي رمعه

يمكن مثلث برمودا

	المشاركة الأصلية كتبت بواسطة غدير بن فهد الوهبي

	صح السانك يابوسعود عندي رمعه يمكن مثلث برمودا

.................................................. ......

حياك الله ياغدير
وصح بدنك ومالك لوا
وانا احتسيت الرمعه هذه
بحيث انه يوجد شطر لا ينطبق عليه

وشرفني مرورك الكريم

صح لسانك أخي ابو سعود الحربي

اذا لم يكن مثلث برمودا

فهو ملك الموت

	المشاركة الأصلية كتبت بواسطة الشاكر أبو سامي

	صح لسانك أخي ابو سعود الحربي اذا لم يكن مثلث برمودا فهو ملك الموت

حياك الله اخوي الشاكر

وصح الله بدنك

ومثلك ماتصعب عليه
ومالك لوا
وشرفني مرورك الكريم

حياك الله يابو سعود لغز سمين ولى عوده

	المشاركة الأصلية كتبت بواسطة خالداللهيبي

	حياك الله يابو سعود لغز سمين ولى عوده

..................................

حياك الله ابو احمد



وشرفني مرورك الكريم

أبو سعود الحربي \ الله يعطيك العافية لغز مليان
وهذي رمعة أرجو أن تكون صايبة .

دوك مني رمعةٍ عاجزٍ لا كرّها = تنقض المفتول واللي مخفاّ تطلعه
حفرةٍ كل الخلائق عليها اتمرّها = يمكن انه القبر والقبر كلش يبلعه

	المشاركة الأصلية كتبت بواسطة نافع الحربي

	أبو سعود الحربي \ الله يعطيك العافية لغز مليان وهذي رمعة أرجو أن تكون صايبة . دوك مني رمعةٍ عاجزٍ لا كرّها = تنقض المفتول واللي مخفاّ تطلعه حفرةٍ كل الخلائق عليها اتمرّها = يمكن انه القبر والقبر كلش يبلعه

شفت يانافع علومك جهرها من سرها= بس ماصدت الهدف باقي عليك مراجعه
قرر الوزنه على الميزان تكفى قرها= لا يمين ولا شمال ابك السعه ثم السعه

حيا الله ابوسعود وحيا الله ما جاب
واللغز يبي تفكير واعتقد فيه تمويه شوي
وعند رمعتين على اعتبار انك تقول الدليل

1= ياجوج وماجوج
2= المسح الدجال