قصيدة بعنوان طاح المطر

هذه قصيدة كتبت بتاريخ 16|2|1430ه

طاح المطر واطرا عليه مداهيل= في ما مظى وقت الحيا كنت اجيها
ويطيب لي فيها السمر والتعاليل=الطيب وعلوم الرياجيل فيها
ورجال لا زادت عليك الغرابيل=وقفاتها وقت اللزم تحتميها
أهل الدلال الصفر والبن والهيل=وتفرح نهار الضيف يقبل عليها
قومن لهم مبدا في كسب المحاصيل=مكسوبها من ما تسوي يديها
صبوحهم در البكار المباهيل=حمرن أهلها ماتقيد يديها
ورث الجدود أهل السيوف المصاقيل=ماهي جلايب سيدها مشتريها
بالصبح تسرح والعشية مقابيل=هذا مسرحها وذا يحتريها
واطرا عليه الناس والجو والليل=وضو النجوم اللي السما مكتسيها
وانهل دمعي لين بل المناديل=على سنينن خاطري مشتهيها
والديرة أللي فالها الغيث والسيل=أللي بموت وخاطري مانسيها

صح لسانك وبيض الله وجهك
اخوي العامودي
على القصيده الجزله لكم صادق الحب والاحترام

الله الله

صح لسانك شاعرنا مدد بلاعدد

تقديري

صح لسانك يانقي



وافيه وأنت وافي




لاعدمنا حضورك المشرق



الله يرعاك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
واعتلا شانك
ولا هنت على الابداع
لك اعجابي

	المشاركة الأصلية كتبت بواسطة العامودي

	هذه قصيدة كتبت بتاريخ 16|2|1430ه طاح المطر واطرا عليه مداهيل= في ما مظى وقت الحيا كنت اجيها ويطيب لي فيها السمر والتعاليل=الطيب وعلوم الرياجيل فيها ورجال لا زادت عليك الغرابيل=وقفاتها وقت اللزم تحتميها أهل الدلال الصفر والبن والهيل=وتفرح نهار الضيف يقبل عليها قومن لهم مبدا في كسب المحاصيل=مكسوبها من ما تسوي يديها صبوحهم در البكار المباهيل=حمرن أهلها ماتقيد يديها ورث الجدود أهل السيوف المصاقيل=ماهي جلايب سيدها مشتريها بالصبح تسرح والعشية مقابيل=هذا مسرحها وذا يحتريها واطرا عليه الناس والجو والليل=وضو النجوم اللي السما مكتسيها وانهل دمعي لين بل المناديل=على سنينن خاطري مشتهيها والديرة أللي فالها الغيث والسيل=أللي بموت وخاطري مانسيها

قصيدة مليئة بالذكريات

صح لسانك لاهنت

صح لسانك
..
..
أسجل اعجابي بالقصيدة
..
ويعطيك العافيه ..