هديه لقبيلة حرب

السلام عليكم ورحمة الله وبركاته
أعزائي اعضاء المنتدى الكرام هذه اول مشاركه لي وهي قصيده متواظعه خرجت من صميم القلب وحبيت اضعها بين ايديكم

روحوا وقولوا لسود الوجه كوبان=لاتحسبنك في اعلومك صتيمه
لاتحسبنك صرت عنتر كحيلان=الكذب لو ينفعك سرك قديمه
يومك غزيت ورحت هابي وخسران=حدوك ربعي للعذاب وجحيمه
وعقب المغازي رحت تنخى هل الشان=حكام نجد اهل العقول الحكيمه
لاتحسب أن الناس صقهان عميان= كانك سقيم اعقول غيرك سليمه
وين انت يوم بنجد روغات الاذهان=يوم الخيول تذب وجه الخريمه
يومن نجد لكسب الامجاد ميدان=يوم الملاقا كل خصم وخصيمه
ان كنت جاهل فأكثر الناس فهماان=اسأل عواريف الرجال الفهيمه
حنا رسينا بنجد في وقت الاكوان=واصبح لنا في نجد بالفعل قيمه
رح اسأل الاتراك تعطيك عنوان=عن فعل حرب ومجدهم يالبهيمه
وسأل قبايل نجد عن ماض الازمان=تنبيك عن فعل الرجال العظيمه
حربٍ محاربت الدول ياأسود الشان=كم من خصيمن ذوقوه الهزيمه
واقول ثم أقولها بفم مليان=اترك سواليف الخبال العقيمه
احمد ثم اشكر والي العرش رحمان=وانعم بضل محاربين الجريمه
لوعودت للفعل ماأنته بربحان=تصير لجياع الذيابه وليــــــــــمه
تراك مانته قد ذربين الايمان=كم خصيمن عيففوه الغنيمه
وينك وين مطوعت كل فسقان= ماانته بحول اهل الفعول الكريمه
فرسانهم بالحرب تبطش بطغيان=تموت عز ولاتذوق الهزيمه
وان كانها بالشعر معنى وقيفان=حنا جسد كل القصيد وصميمه
نصّخر المعنى على الكيف بإتقان=ضرباتنا في خافقك مستديمه
اللي مضى عقدين والجرح للآن=ينزف بقلبك والصوايب سقيمه
جيناك واعطبناك في نظم الاوزان=ضرباتنا خلت اظلوعك هشيمه
الليا بطشنا شعر يخضع لنا الجان=ضرباتنا لاجات جاتك اليمه
لكن خلك في ذرى عز الايمان=خل الفتن ياميّت الوجه نيمه
نقضت عهدن صار من بين الاخوان=ماينقضه غير الوجيه الذميمه
خسران يالخايب بدنياك خسران=مابك ولالك ياأسود الوجه شيمه
إن عشت لك حقران وان مت حقران=مالك قدر عند الرجال الحشيمه
بالمختصر ياميّت الوجه كوباان=الكذب لو ينفعك سرك قديمه
يومك غزيت ورحت هابي وخسران=عقب المغازي عفت كسب الغنيمه

*احترم وبكل صدر رحب قرار الإداره بحذف او ترك القصيده
تحياتي لكم
اخوكم\حفيد الكواسر