العيد في قرية أم العيال بوادي الفرع 1429 هـ

احتفال ثاني أيام العيد عند الشيخ عبدالرحمن بن قويفان البلادي
في قرية أم العيال بوادي الفرع 1429 هـ

السلام عليكم ورحمة الله وبركاته
ثاني أيام العيد في قرية أم العيال بوادي الفرع جرت العادة منذو زمن
أن يكون العيد والمعايدة وتبادل التهاني بالعيد بين القبيلة عند الشيخ مبارك
بن قويفان البلادي يرحمه الله وبعد وفاته يرحمه الله استمرت عادة العيد
وتبادل التهاني بالعيد عند ابنه من بعده الشيخ عبدالرحمن بن مبارك
بن قويفان البلادي فيبدأ التوافد لتلك المناسبة من البلادية من القرية وخارجها وبعض القبائل
فيكون هناك احتفال بهذه المناسبة فكان الزومال بداية الاحتفال

زومالة القراقره من زبيد من مسروح من حرب للبلادية

سلام تسليم الحيا اللي راعده من سد وبله = ننصابه اللي كملوا والطيب منهم ينحسبله
والقن عامر بيننا درب الوفا ممدود حبله = منا ومنهم ما تغيره الليالي والسنين
من عزنا يبشر بعزه والظليمه ما تجبله = مثل الهلال اللي على الحروه وكل(ن) يرتقبله
الله يعيد العيد والافراح شام ون كان قبله = جينا نعايدكم في وقت العيد ومن العايدين

رد الشيخ ابن قويفان وجماعته

يا مرحبا واللي نصانا فالمواقف ننتصبله = الله يحيي من لفا في العيد من بعده وقبله
من يوم كنا مدنا لاهل الوفا ممدود سبله = وانتم وحنا فاللوازم من عصور الأولين
اللي يمد الطيب لاهل الطيب مده ينكتبله = ودرب المعزه من قديم الناس دايم تنطربله
ومن يطلب الله جاه مطلوبه ولا شي(ن) عزبله = ياالله عساكم كل عام بخير ومن الفايزين

زومالة ذوي رجا من الرزوق من البلادية

سلام يا شيخ(ن) نجيه وكل عيد نعايده = وان جات حزات المواقف كلنا سنايده
كساب للطالات والمعروف من عوايده = نعمين أبو تركي وحنا معه في الواجب سوى
قصر المعزة بالوفاء والعز كل(ن) رايده = والبيت ما يرفع بناه إلا على عمايده
الصف واحد يا جماعه والوطن مع قايده = هذي حقايق ثابته يدري بها اللي ما غوى

الـــــــرد

يا مرحبا والطيب ما بيني وبينك زايده = وحضور ربعي من قديم الوقت عندي فايده
الاسم والميقاف واحد والحريب نكايده = واللي نباها بالهوى دايم تجينا بالهوى
قصر المعزه ما تغير ثابته ركايده = ميزان حق مع الجميع ولا يحب محايده
مدرّك(ن) ساسه وقو الساس من عضايده = ثابي على طول الدهر ما يختلف عد الروى

زومالة ذوي حضيض من الرزوق من البلادية

سلام رده للحضور وللزعيم المعتبر = الشيخ أبو تركي على وضح النقا سر وجهر
ما يختلف عن ماقفه في بر ولا في بحر = ما هي غريبه يا مذاخير الجدود الأولين
والثانيه جينا نكمل في المواقف ونحضر = راع الوفا ياخذ وفا والعين يقداها النظر
ما يختلف ميقافنا في أول شهر وأخر شهر= من سابق الأيام ممشانا على درب اليمين

الـــــــرد

يا مرحبا ترحيبة(ن) منا كما ضو القمر = وانتم من أهل المنزله والناس تدري بالخبر
هذا صحيح العلم ثابت مثل نقش(ن) بالحجر= والطيب لهل الطيب والطيّب خوي الطيبين
نفرح بملفاكم وحنا في الحراوي ننتظر = ميقافنا واحد وماتاكم لنا عز وفخر
الاسم واحد والعلم مرفوع في يمين الصقر= وليا زهمنا الشيخ أبو تركي ترانا حاضرين

ثم بدأت فقرات الحفل لهذا العام 1429 هـ الذي بدأ بتقديمه الشاب
تركي بن عبد الرحمن بن قويفان البلادي على النحو التالي
1/ القرآن الكريم
حيث بدأ الحفل بتلاوة آيات من الذكر الحكيم تلاها الطالب
محمد بن عبدالرحمن بن قويفان البلادي
2 / كلمة الشيخ عبد الرحمن بن مبارك بن قويفان البلادي التي رحب
فيها بالضيوف وهنئهم بعيد الفطر المبارك والتي اختتمها بالأبيات التالية

يا مرحبا ترحيب من بال نشطان = بضيوفنا وصحابنا والجماعه
وانا لجيّتكم مقدر وفرحان = ومعايدتكم عندي أكبر طماعه
وربعي لهم في داخل القلب مسكان = مزروع في بيت المعزه زراعه
بيت له التاريخ سابق وذلوان = ما شال هم اللي يريد انقطاعه
وليا طلبتوني لكم قمت عجلان = في كل ماقف والمواقف شجاعه
والمعذره من خوف زايد ونقصان = عبرتوا التعبير بالاستطاعه
ولكم جزيل الشكر مني بعرفان = ياهل الوفا والطيب في كل ساعه

من اليمين الشاعرخلف والشيخ عبدالرحمن بن قويفان والشاعر
لافي ومذيع الحفل تركي بن قويفان والشاعر عبدالرزاق

3/ القصائد الشعرية
حيث شارك الكثير من الشعراء ومنهم
1- الشاعر خلف بن خليفه البلادي
2- الشاعر عبدالرزاق بن عايض العرادي
3- الشاعر لافي بن حضيض البلادي
4- الشاعر متعب بن خلف القرص المخلفي
5- الشاعر عبد المعطي بن عطيه البلادي
6- الشاعر والفنان عابد بن حمد البلادي
7- الشاعر عادل بن حامد بن حمدان البلادي
8- الشاعر الاستاذ فهد بن عواضه البلادي
9- الشاعر نافع بن مصيري البلادي

4/العرضة

وقام بالأداء فيها الفنان عابد البلادي والشاعر الاستاذ فهد
عواضه البلادي وفي أثناء العرضة اطلقت الألعاب النارية في
الفضاء مما أعطى جواً حماسياً .

من اليمين بدر عويضه وفهد عويضه وعابد البلادي ومحمد بن قويفان

5/المحاورات الشعرية

وكانت بين الشعراء
1- الشاعر مسعد القصير الجهني
2- الشاعر خلف خليفه البلادي
3- الشاعر متعب خلف القرص المخلفي
4- الشاعر لافي حضيض البلادي
5- الشاعر مرزوق نافع الصبيحي البلادي

الشاعر مسعد القصير الجهني

نجم الحفل الشاعر والأستاذ فهد عويضه البلادي
من ضمن مشاركاته العديدة في الحفل فقد شارك أيضاً
بهذه الأبيات الرائعة يقول فيها

بسم شيخ(ن) محتمي قوله بفعله = مرحبا فالعيد ومن العايدين
شيخنا اللي كاسب المجد كله = أبو تركي نعم يا ذرف اليمين
حامي الميقاف والواجب يدله = ما تغيره الليالي والسنين
والفخر والعز يزهى في محله = يفرح بربعه وكل الحاضرين

مشكوووووووور يالغالي على التغطيه
والجهد المميز ,,,
الله يعطيك العافيه يالغالي وماقصرت
بيض الله وجهك...

أخي راعي الوفلا
مرورك أسعدني وشرفني
تسلم يا الذيب . ووجهك أبيض
يعطيك العافية ولك شكري وتقديري

مشكور على النقل و التغطيه

و النعم بالبلادية و بالشيخ عبد الرحمن بن مبارك

اخوي الغالي ولد البلادي لاهنت على نقلك لهذا الحفل البهيج لابناء العمومه البلاديه وجهد تشكر عليه والله يديم علينا وعليكم الافراح والليال الملاح وكل عام وانتم بخير وسلام ومن العايدين الفائزين وتقبل مني صادق ودي وتقديري

ولد البلادي
سلمت يمينك على التغطية الرائعة
لك كل الشكر والتقدير
نسأل الله أن يجمع ربعنا دائما على العز والطاعة
ويديم عليهم الأفراح .

حميدان العوفي
مرورك أسعدني وشرفني
تسلم يا الغالي . وما عليك زود
يعطيك العافية ولك شكري وتقديري

مضحي بن جمران
مرورك أسعدني وشرفني
تدوم الأفراح عند الجميع إن شاء الله
تسلم يا الغالي . وكل عام والجميع بخير
يعطيك العافية ولك شكري وتقديري

الحميدي المخلفي
تسلم يا الذيب على المرور والإشادة
وهذا واجبنا .. ونطلب الله بدوام الافراح على جميع المسلمين
يعطيك العافية ولك شكري وتقديري