لافي الغيداني (يستاهل الوقفه!! )

على هامش مشاركة الشاعر الكبير
عبد الله بن زويبن الحربي
في مسابقة شاعر العرب التي تبثها وتنظمها قناة رواسي
كان للشاعر الكبير لافي الغيداني مشاعره الخاصه
التي فاضت وسارعت لنشرها في منتدياتنا لماتحتويه
من سمو وكبرياء وبعد نظر اقل ماتعبر عنه هو حب القبيله
والدعوه للالتفاف ورفض الانقسام..

يستاهل الحفل والتقدير والاحترام=والوقفه اللي حميا حرب عنوانها
قبيلة لادعاها الوقت للالتحام=مثل السفينه اليارست بربانها
ترفع لواء الالتفاف وترفض الانقسام=وتعلن ولاها لدولتها وسلطانها
وراه مايشره يصافح بيده الغمام=وقبيلته حرب معه تنفذ اردانها
الشاعر اللي مكانه فوق وسق السنام=وله قاودت مهرة الابداع بعنانها
سيف من سيوف حرب اللي عليها الكلام=خيره لربعه وسطواته بعدوانها
عبد الله زويبن الحربي ومسك الختام=يستاهل الوقفه اللي حرب عمانها

صح السان الشاعر الرائع لافي حمود الغيداني وقبيلة حرب هم اهل الوقفات والحمه

والله يوفق مشاركينا ونحن معهم دائما

صح لسان الشاعر لافي
ويستاهل الشاعر عبدالله

والله انه يستاهل كل خير
اللي هو الشاعر ابن زويبن
ولكن الامر لله والحيلة له الامور كلهاتصويت
وما ودنا انه يطلع بسبب التصويت والا واللهان عبدالله بن زويبن شاعر
فوق كل الاعتبارات
وصح لسان شاعرن ا الراقي والرائع الشاعر الكبير/ لافي حمود

وبارك الله فيك اخي على ايراد هذه الا بيات فلك كل الشكر والتقدير والا حترام

لاهنت ياعزيزي المرواني على هذا النقل الجزل وصح لسان شاعرنا الكبير الشاعر البارز لافي بن حمود الغيداني وكل كلامه عين الصواب والشاعر الكبير ممثل القبيله العملاق عبدالله بن زويبن يستاهل كل جزله ويستاهل ماقيل به واكثر وكلنا دون استثناء بجانب هذا الشاعر العلم الي اخر المشوار وكذلك ممثلنا وفخر القبيله كلها الشاعر الجزل والرائع احمد بن ناحل الحربي وان شاء الله يبشرون منا بكل العون والله يوفقهم ويسدد خطاهم ويفرح الجميع بتتوجهم باحد جوائز المراكز المتقدمه ويرجعون بالفوز والنوماس

الله لايهينك

وصح لسان العلم والهرم لافي الغيداني


والله يعطيك العافيه على النقل


وشعرائنا قدموا عليهم والباقي على حرررررب

صح لسان الشاعر لافي الغيداني
ويستاهل الشاعر عبدالله بن زويبن
وبالتوفيق إن شااااااااااء الله .

الأخ المرواني

بيض الله وجهك على النقل الرااائع لهذه القصيده الرااائعه والغير مستغربه من الشاعر الكبير والقدير لافي الغيداني

ونتمنى التوفيق له وللشاعر الكبير عبدالله بن زويبن ولجميع ممثلينا في المحافل والمسابقات

تقبل اجمل التحايا

ودمت بخير