حمدان العصيمي ومحمد الربيقي "السارح اللي سرح تال النهار وضوى"

السلام عليكم



حمدان العصيمي
حي الله الشاعر اللي ما يسافر بعيد=اليا سرح من بريده وصل عين الجوا
نزل لسوق البشوت وجاب بشت"ن"جديد=لكن ما جاب له بشت"ن"على مستوى

محمد الربيقي
حي الله الشاعر اللي ما وصل مايريد=اشرف مع الريع في تال الزمان وهوا
طبيت سوق السيوف وجبت سيف"ن"حديد=ولا المشالح ياحمدان العصيمي سوا

حمدان العصيمي
اتعب على الاستفاده ياعسى تستفيد=واطلع مع الريع يوم الريع ذيبه عوا
دونك هبوب"ن"شماليه ونو"ن"سديد=والمزن ما يعزله عن بعضه الا الهوا

محمد الربيقي
من فضل ربي لنا عند النشاما رصيد=ياللي ترويت ما مريت عد الروى
ياللي منول تحرى زمهرير الجليد=ما باقي الا جهنم نازعه للشوى

حمدان العصيمي
بعض الاوادم على الدبكه وخبط اللبيد=تتعب من اجل العشاء لكن ماتت طوى
الله يفرج عليك الهم يابن عبيد=لاتدعي بالاخوه ياعساك الخوى

محمد الربيقي
مذكور بالخير ياحمدان ساع البريد=السارح اللي سرح تال النهار وضوى
تراي ماني خوي اللي عصاته جريد=محد"ن"لقابه نهار الكون طبخ وشوى

حمدان العصيمي
انته مضيع بدربك مثل الاطرش فريد=ودك تقوي عضودك ما انت لاعب قوى
انا اتعيد بخير الابل في كل عيد=اعيش واموت ما اعيد بتيس حوى

محمد الربيقي
المشكله فيك ياحمدان كنك مزيد=اللي مايدري عن العله ولا له دوا

	صح لسانك __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

كااااااااايف

بارك الله فيك

يسلمووو ع النقل المتميز الجميل