المسعودي والجبرتي في برنامج الباديه

	المسعودي والجبرتي في برنامج الباديه -------------------------------------------------------------------------------- المسعودي والجبرتي لا تكل ولا تمل وأنت تقرأ أو تسمع لهما ، شاعران كبيران افتقدتهما الساحة ، وإليكم هذه المحاورة التي دارت بينهما وكان الغرض منها تسجيل حلقة لبرنامج البادية ولكن المسعودي تأخر في الوصول إلى الجبرتي فاستغل الأخير الفرصة ودار هذا النقاش : ـ الجبرتي : ـ مرحبا بالصاحب اللي مثل برّاق ٍ يلوح *** عهدنا به في زمان العام يوم البرق لاح جيتنا بالقايلة ما جيتنا وقت الصبــــوح *** الغنم قفى لبنها والغدا من صبح راح المسعودي : ـ البقا بالصاحب اللي حيث ما يرزق طموح ** نوب يرزق بالمطر ومرار يرزق بالرياح قوم شب النار تحت القدر حتى إنه يفوح**الغنم تسـرح مع الراعي وتضوي فالمراح الجبرتي : ـ إن لزمك الليل عندي بذبح الكبش النطوح *** بعدما جاني صحيبي طاح راس الكبش طاح أنت ما يبري جروحك غير مبرين الجروح *** والعلامة في جناح الصقر صفاق الجناح المسعودي : ـ يا لله إنك تجعل المذبوح فدوة للذبوح *** يمكن إن الكبش لا شافك يموت بلا سلاح والدوى يبري جروحي وانت جرحك ما يروح *** كل ما يلمسك فيه الثوب لجيت الصياح الجبرتي : ـ ما يسافر في سفينة نوح غير أصحاب نوح *** سافرت فالليل مدري سافرت وقت الصباح يا شباب العرب لا بدك تعود للقروح *** وإن نجحت العام أقيّس ذا السنة ما لك نجاح المسعودي : ـ السفينة شالت الصالح على وسق السطوح *** وأنت لو قلنا تبا تصلح متى عاد الصلاح وإن بغيت السمن ما تلقاه في بيت الشحوح *** والرخامة ما تجيك من الرياجيل الفلاح

مشكور لاهنت

ابن السفر

شكر لك وبيض الله وجهك على نقل هذه المحاورة الشامخة

مشكور على نقل هذه المحاوره بين اعلام الشعر المسعودي و الجبرتي
والكل يشهد لك على هذه المجهودات العظيمه وانت احد المراجع القديمه
والدرر النادره والقيمه