محاورة قوية (( تركي الشيخ ... زبن القاااااااضي ))

ياسلام الله وميدان الشعر ميداني = شاعر وماهر وبالميدان ناري حيه
يازبن كم قاضيٍ بالحكم يصبح جاني = اعرف اللي لك وانا عارفٍ وشليه

مرحبابك واحتزم للهوش ياحميدانـي=بالشعر ولا العلـوم الثانيـه ملغيـه
لاتقرب للقضاه وحمكـة السلطانـي=يا الزبيدي نعرف الهامل من المرعيه

نصبوك اهل البلد قاضي على العتباني=يوم تكسب حسنه ويومين تكسب سيه
يازبن ركز شويه واذكـر الرحمانـي=اكرم اهل الذود واعزل عنهم الشاويه

حكمنا حسب الشريعه يعدل الميزاني=انت وش حصلت منها ياسليم النيـه
آية الكرسي نبا ندحربها الشيطانـي=وانت مالك شغل في هاذي وفي هاذيه

حكمكم بدياركم ما ياصل إلـ عسفاني=دارنا حامينهـا وادياركـم امحميـه
ان دخلنا وان خرجنا نعرف البيبانـي=وانت خلك هكذا مابيـن داب وحيـه

كيف تنساء سالفتكم فالزمـان الفانـي=عقلو يازبيد انا ريس هاذيـك الهيـه
كان تبغالك حصان اهدي عليك حصاني=ثم خلك ذيب واعط السكـه الممشيـه

اذكرك وأذكرك مـن شـان ماتنسانـي=في مسيحه وش حصل لك يوم جات الهيه
وفر احصانك ولاتحسب مـن الفرسانـي=تركبه والا ترجل مـن ضمـن رجليـه

لو فهمت العلم مديتـك بعلـم ٍ ثانـي=انكبتك التوسعـه يافنـدق الشاميـه
الزبيدي قنفـذي وإلا مـن العوفانـي=ماعليك من الحروب اهل الوفاء ماريه

ابتلشنا في علوم املهي الرعيانـي=نرتفع ويطيح والطيحه سببها كيـه
مالحقني شك حربي والوفاء عنواني=هيه ياراع الدفينـه لاتعايـن فيـه

مراقبنا الكريم حميدان العوفي لاهنت يالذرب على هذا النقل وحسن الاختيار وهذا ابو ناصر كما عهدناه دايم صيده ثمين وجزل طال عمره وصح لسان شاعرنا الرائع والمتمكن الشاعر تركي الشيخ وصح لسان زميله الشاعر الجزل زبن القاضي العتيبي وحقيقه محاوره قمه وجزله تمتع المتابع لما يجده بها من فتل ونقض وجزاله وشكراً جزيل للشاعرين وسلمت يمين صاحب الاختيار وناقل هذه المحاوره والله يحفظ الجميع

مالحقني شك حربي والوفاء عنواني

هيه ياراع الدفينـه لاتعايـن فيـه
!!!!!!!!!!!!!

بيض الله وجهك يابو ناصر على الاختيار الرائع
والشاعر القدير تركي الشيخ من الشعراء المتمكنين فعلاااااامن النظم والمحاورة

	لك الشكر والتقدير على هذا الإختيار القوي المفيد فعلاَ ، وبالمناسبة : بارك الله لنا ولكم في شهر رمضان وجعلنا وإياكم من الصيِّـام والقيِّـام فيه وممن يتلون القرآن الكريم ويتدبرون مافيه وأن يتقبل الله من الجميع صالح الأعمال وأن يبلغ الجميع عيد الفطر المبارك وعساكم من عواده اعوام عديدة

تركي الشيخ
صح السانك ولسان زميلك

شكرا للاخ حميدان العوفي وشكرا للشاعر تركي الشيخ ونبقي نعرف معني البيت ( (عقلو يا زبيد ) ومحاوره شيقه شدتنا للمحاورات وحنا في رمضان