والله لكتب لـك بيـوت الشعـر مـن دم الفـواد

والله لكتب لـك بيـوت الشعـر مـن دم الفـواد=واجعل نقطها من دموع العيـن فـوق حروفهـا
هذا دليل الصـدق فـي حبـك وبرهـان الوكـاد=رغـم انعكاسـات الحيـاة القاسيـه وظروفـهـا
هزيتنـي كمـا يهـز النفـط وضـع الاقتصـاد=بالدولـه اللـي مايعـادل دخلهـا مصروفـهـا
والفـرق بافكـار البشـر يفـوق كـل الاعتقـاد=بـس الكلافـه ماتصيـر الا علـى مكلوفـهـا
احـدٍ يخطـط للسياسـه بالنضـال وبالجـهـاد=واحـدٍ يخطـط بـس كيـف اتقابلـه ويشوفهـا
بالخيـر يادنيـا السعـاده شـي قـل وشـي زاد=وانـا بعينـي شايـفٍ بقعـا تـهـز كتوفـهـا
نفخت جمر النار ابيها تشتعـل وامسـت رمـاد=وصكيـت بيبـان البنايـه والبـلا فـي جوفهـا
من كثر ماشفـت العبـاد اللـي يعبـدون العبـاد=اصرف نظـر عينـي وجنبهـا تقـل ماشوفهـا
مات الطبيب وضاع طبه والمرض هيمـن وسـاد=وانا اتمسكن في رجاها وارتعـش مـن خوفهـا
وان كان راس المال ولىّ واصبح المربـح نفـاد=ماتنفع اليمنـى علـى اليسـري بخبـط اكفوفهـا
اعمـر مدينـة ربمـا واروي روايـة شهـرزاد=ومن الشقا حتى عيوني صـرت اكـذب شوفهـا
يالليل نزرع زرعنـا والصبـح ياطـاه الحصـاد=واللـي نبـي منهـا تلقينـا بيـاض اخفوفـهـا
ماباقي(ن) غير الحضوض اتباع في سوق iiالمزاد=عنـد الرجـال اللـي تزكـي كذبهـا بحلوفهـا
يامـا تلحفنـا السمـا وفراشنـا شـوك العـراد=ومن المعـزه ماطلبنـا النـاس مـن معروفهـا
وتراي من غيرك سوات العين من غيـر السـواد=واليا فقدتـك مثـل يـوم العيـن تفقـد شوفهـا
فـي داخلـي كـن وزيـر الداخليـه فالـبـلاد=لبـى العيـون اللـي تهددنـا بـحـد سيوفـهـا

صح لسان الشاعر الكبير الهاب
لاهنت على النقل اخي ابن فرهود

مشكور على المرور

	صح لسان الشاعر الكبير لهاب الوسيدي والله يعــــــــطـــــــيــــك العـافـــــــــــــــــيه لاهنت

مشكورين على المرور

الله يـعـطـيـك الـعـافيـــــــــــة
بيض الله وجهك

صح لسان الشاعر لهاب الوسيدى ......ومشكوور على النقل اخووى

يسلموووو ع النقل الجميل