الهاب الوســـــــيدي

البارحه بالساعه الوسطـى مـن الثلـث الاخيـر=شبيت نار الشوق في صدري وقلطـت الضيـوف
والغالـي الـي دايمـا يلقـى محلـه بالضميـر=لو قال وش يثبت كلامك قلتلـه قـرّب وشـوف
تبغـا هنـا ولا هنـا ولا هنـا مالـك خشـيـر=ولا لك لحاف الا الرموش ولا فراش الا الكفـوف
ومن ابسط حقوقك علي اللي تبـي منـي يصيـر=ومن اكبر حقوقي عليك اتضمد الجـرح وتـروف
وانا لو القى في هدب عينـك مـلاذ المستجيـر=زبنت لعيونك من عيونك طلـب فزعـه وخـوف
لكـن سهـوم عيونـك الثنتيـن مامنهـا مطيـر=اقوى على الخفّاق من ضرب الخناجر والسيـوف
والموقف الي يصنع الدهشه والاعجـاب ويثيـر=يضيف قوة عزم في بعض الوقايـع والصـدوف
وانا مـن اصحابـي وعدوانـي تعلمـت الكثيـر=وكـم غلطـةٍ تمـر قدامـي واخليهـا تـطـوف
اشوفها حاجـه صغيـره واعتبـر نفسـي كبيـر=والحاجه الي ماتمس الوجـه فـي ميـه ذلـوف
حيث التجـارب بالحيـاه تخلـي الجاهـل خبيـر=وتخلي الـي مايعـرف العلـم يطلـع فيلسـوف
والسالفه بيني وبينـك سرهـا فـي وسـط بيـر=لايدري الحاسـد ونقـال السوالـف والزهـوف
يوم الطموح اكبر من الواقع وانا عمـري صغيـر=مانـي بخابـر لحـدٍ علـي منـه وامـعـروف
لكن بعد ماوصلـت الدعـوى لتقريـر المصيـر=قامت معي فيها صفوف ووقفت ضـدي صفـوف
واليوم هذا يا زمـان الصمـت منقطـع النضيـر=اعـداي بالميـات لكـن اصدقـايـه بـالالـوف
واليا نشدوك النـاس عنـي قلهـم حالـه بخيـر=ترى العدو يسمع واهو مقفي ولا يقـدر يشـوف
وانا لو ادركت الفرزدق قلـت لا تهجـى جريـر=اياك والتجريـح بالاعـراض والظلـم الجحـوف
وان تنافستـم علـى الماسـه وكرسـي المديـر=حاول ترجح كفـة الابـداع فـي لعبـة حـروف
وان كنت امير وذاك امير وذاك امير وذاك اميـر=من يحمل الاوراق ويحـط الرسايـل بالظـروف
الله يبيحك يازميـل الشعـر كعـب ابـن زهيـر=قصيدة البرده مثل وضع النقـط فـوق الحـروف
وانا كذا والمـوج يلفظنـي علـى نـار الهجيـر=واغمض عيوني واسد اذني ولابغى اسمع واشوف
الـى متـى يـا حلمـي الاول ويانفـح العبيـر=مليـت مـن تراكـم الامـال وسـوف وسـوف
يـا مملكـة نـزار قبانـي وقصـة شكسبـيـر=رقصة قلبي مثل من يرقص على صوت الدفـوف
لا بارك الله بالذهب وبالقطن الابيـض والحريـر=يدخل ايدين الاغنيـاء ويصيـر فتنـه للضعـوف
وكل وماتجـود بـه نفسـه ولـو شـيٍ يسيـر=والغيث طول والشجر مامل مـن طـول الوقـوف
وانكـان مـال الاغنيـاء مافيـه حـقٍ للفقـيـر=قلنا يعوض الله بخيـر وياتعـب منـت مخلـوف

	استبعاد إلهاب لاعلاقة له بالشعر ,,

	الله يـعـطـيـك الـعـافيـــــــــــة وصح لسان شاعرنا ابوجمال بيض الله وجهك

مشكور ياولد العم على النقل الأكثر من جميل

والله انك صدقت واستبعاد إلهاب لاعلاقة له بالشعر

وقدامه مليون علامة تعجب واستفهام ؟؟؟؟؟؟؟
يعني الوزن والقاف من شاعر متمكن
والصور والخيالية اللي يبونها والتراكيب والتصاوير جابها
والحكم والامثال واسلوب خاص فيه جابه

ماادري وش يبون انا

وغير كذا قصايد بعض الشعراء اللي تنافسو معه ضعيفة بمعنى الكلمة وانا اعني اللي اقوله وحنا شعراء ونبخص بالشعر الجزل من الضعيف او المتوسط
واظن الكل شاف بعض الشعراء قبل التصويت من خلال المقابلات اللي معهم والكلمة اللي قالوها كانو خايفين لدرجة كبيرة، وبعضهم يضحك يوم عرف انه بقى للتصويت، وشوفو الاعادة ولاحظو للي يبي يتأكدون

فعلا استبعاد الهاب (مصيبة) للشعر والموروث بشكل عام
ويمكن لو نقارن الهاب باللجنة من ناحية الشعر والوقت يبي يغلبهم فيهن واحد واحد

لكن ؟؟؟؟؟؟؟


تحياتي.

صح لسان الشاعر الكبير ابو جمال
لقد اثبت فشل اللجنه وكشفت زيفها المزيف
فبيض الله وجهك وقصيدتك من افضل القصايد في مجموعتك
لكن يوجد أُناس يديرون البرنامج من تحت الماصه
فالبرنامج صقط صقوطا ذريعا
بفشله
لاهنت بارك الله فيك وفي نقلك

والله انه شاعر جزل رضي من رضي وابى من ابى كلها حكم لا

تصدر الا من رجل عاش في معارك الحياه واصبح فارسها بتجربته ولجنة

هلاله حسابهم عند ربهم وجعلها ماتعداهم وسير

يابو جمال ولاعليك من الحاقدين الناقصين وشرفتنا وبيضت

وجهيهنا عسى ايامك سعاده وايام ظالميك تعاسه ان شاء الله ....ولاتخلي

حقك ابدا....

حسين المعمري

مشكور على القصيده الجميله..

حسين المعمري
صح لسانك و بيض الله وجهك على هذه المشاااعر .. و هذه القصيدة الجزلة

و نحمد الله لهااااااااااب أكبر من شاعر المليون في عيون محبيه

سلمت يمينك ع الاختيار الجميل